منتديات شمس الحب - واحد بيتزوج لكن ماحد بيساعدة من اهله رغم عندهم خير ونعمة .!

السلام عليكم ورحمه الله وبركاته

احد الاصحاب اليوم يحدثني انه يفكر يتزوج وهو عمره حول 34 سنه
يقولي هذا الكلام اللي بقوله وقال ايضاً لا اقصد من كلامي انه طلب مساعدة او اشحذ بأي طريقه قدامكم اللي هو احنا
لكن يريد الحل لا اكثر قلت اشوف الهوامير هنا لعلى وعسى عندهم حل وخاصه هنا الشيبان
وعسى لديهم افكار خارج عن السياسه من مصر وتركيا

الموضوع هو الرجال فكر يتزوج ومعه تكاليف المهر والشبكة لكن ماحد بيساعده في زواجه
لا من ايجار سكن ولا شهر عسل ولا مصاريف عرسه وخايف يخاطر ويتزوج
ويعتمد على راتبه فقط في هذة الامور كلها وهو راتبه عادي
يقولي ابوه منتف وضعيف شخصيه ولا عندة كلمه قدام امه
اما امه ماشاءالله عندها خير وكم ارض لكن بخيله شوي وماسكه القرش
وقالتله بزوجك بس لاتفكر بساعدك بشي ودبر نفسك بعدها
يقولي انا تخوفت هل امشي واتحمل هذا الطريق ولا احد بيساعدني الا اخواني بشكل بسيط
ولا اتوقع اقربائي يساندوني لانهم نفسي نفسي وطبعهم ما يعطون شي

الزبدة فزعنا للرجال وخاصه احنا تقريباً 6 اشخاص وقلنا احنا نساعدك باللي نقدر عليه
لكن رفض وقال يكفي مساندتكم لي معنوياً لكن ابي حل اني اقنع امي
وخاصه اني انا اول اولادها الرجال اللي يتزوجون