منتديات شمس الحب - قصيدة بن حبشان ومجارات لها اعجبتني

كل ماهبت على قلبي نسانيس الليالي
قمت أحسب ماكسبت من الحياه وماخسرته
وأتذكر مكسبي واللي غدا من رأس مالي
وأتذكر كل حلم ماهدمته لاعمرته
وأتذكر كم غدالي من صديق وكم بقالي
وكم صديق حافظ كرته وصد وضاع كرته
وأتذكر كم غدر بي من صديق وكم صفالي
وكم صديق كل ماسند مع درب حدرته
وكم صديق رخص في عيني وهو قد كان غالي
وكم رخيص كل ماعزت على نفسي حقرته
علمتني ضحكة الدنيا وطنخات الهبالي
كيف حبل الطيب لامن طال طلته ماقصرته
وعلمتني صحبة الرديان وقصار الحبالي
كيف قسمي في المكاسب من حصاد مابذرته
والنهاية ماحصلي من نسانيس الليالي
كود خوة صاحب طيب وهذا اللي كسبته
__________________

مجارات لها

لاذكرت الهم وأنست الحشـا يكويـه صالي= من وفاك إلمن دريت إنه غـدرك ولا غدرتـه

ولا جمعت في شوي ذاكرتك ملامح عهد بالي=واظهرت كم صوره إلكم واحد وواحد طمرتـه

ارس كنك طويق ورجالٍ تعنز كالجبالي= والجبل فرقه على غيره؟ جبل من حيث درتـه

مايبـرك للحمـول الكايـدات الا الجمـالـي= والرجال جمال والحمـل ان تهقويتـه قدرتـه

ودس على الونه وقل ماني على الدنيا لحالـي= واحتزم بالصبر وتعوض على الصبر ان صبرته

واذكر اللي كل ما مالت وشـد الحمـل مالـي= اسـرع افراجـه ولاكنـه لامـال ولاخبرتـه

العزيز المقتـدر الاوحـد تعالـى ذو الجلالـي= العليـم ابمـا ظمايرنـا تكـن وماجهـرتـه

الـدوام امغيـر اللـي زال واللـي لايـزالـي= ساترك بالطيب في ملا استتر فيـك وسترتـه

المميت المحيي مبـدل حـوال مـن حوالـي= كاسر اللي ماجبرت وجابـر اللـي ماكسرتـه

القريـب إلدعـوه الداعـي مجيـب للسؤالـي= كم عبرت امن المراجل درب لو هو ماعبرته

لاحمدت الله دحر همـك وخـلا المـر حالي= والحسف خله نصيب اللي لخالـف ماسبرتـه

مالله يخلي مـن عبـاده كريميـن السبالـي= كل شبر بعشرة اضعافه وعد اللي شبرته

واذكر انك جيت للدنيا مـا معـك ولا ريالـي= وانك منها مالك الا مال وجه الله نحرتـه

والمراجل كره ولهلهـا تشـوم ومـا تمالـي= شرهـة عشاقهـا لازم ينـفـذ لا ومـرتـه