منتديات شمس الحب - جريدة بجانب كوب قهووتي

جريدة بجانب كوب قهووتي

صباحكم / مسائكم .~
سكر زياده ..

.~ جريدة الصباح ~.

http://www.ibtesama.com/vb/imgcache2/84125.gif

http://www.ibtesama.com/vb/imgcache2/84126.gif

~ جريدة ~
في كل صباح .. تحمل العالم يديني
أخبار .. مآسي .. حروب
أقرأها في طي الجريدة
قهوتي سكر زيادة
والجريدة .. أخبارها سادة

http://www.ibtesama.com/vb/imgcache2/84127.gif

في الزاوية آخر خبر ..
واحد في الانعاش ..والثاني انتحر ..!
وجنبه اعلان :
الليلة حفلة يحييها فنان !!
وفوقهم مجرم على كتفه حمامة ..
قالوا: ذا " صانع سلام "

http://www.ibtesama.com/vb/imgcache2/84128.gif

بعدها بصفحات .. صورة مدينة
و مباني حزينة ..
وحشية و دمار ..
ياحلوها الاخبار ..!!
قهوتي سكرها زيادة ..
والجريدة اخبارها سادة ..

http://www.ibtesama.com/vb/imgcache2/84129.gif

إعلان : ضاعت كلبة فلان .. واللي يلقاها له جائزة مليون
إعلان : ملايين البشر من جوعهم يشكون .. !
حادث: في تمام الساعة الفاجعة من منتصف الويل .. حادث اغتصاب .. طفلة يعتدي على عرضها شاب ..
و القهر .. ماتعدت من عمرها الاعوام ..
و الحكم .. عشرين عام.. وبالتمام ..
بين قوسين.." كلها سنتين وياخذ افراج"
حسن سيرة و سلوك ..!
قهوتي سكر زيادة ..
و الجريدة .. اخبارها سادة ..

http://www.ibtesama.com/vb/imgcache2/84130.gif

وبعدها صفحة ملونة ..
وحدة قرعة .. ماتدري ليش ..
كأنها واحد داخل الجيش ..
و الثانية شتان .. شعرها واقف طويل ..
تحسب انه مهرجان ..
و فوضة مابعدها فوضة ..
ولما تمعنت و قريت .. عرفت انها الموضة ..

http://www.ibtesama.com/vb/imgcache2/84131.gif

أبراج .. قلت أنا بقرا الابراج
يمكن ألقى لي خبر .. يطيب الخاطر ويعدل لي المزاج
الحوت : انت مريض و جايز تموت ..
كذبت احساسي .. وقلت في نفسي ..
اكيد انا ناسي ... مو هذا برجي ..
اكيد ذا برج العدو .. قلت انا بقرا " الدلو "

قهوتي سكر زيادة .. والجريدة .. اخبارها سادة ..

...
..

http://www.ibtesama.com/vb/imgcache2/84132.gif

طبقت الجريدة مثل ماكانت .. وقعدت ادور ..
وين الذي باعها وين ؟!
ولما لقيته ... رجعت الجريدة
واخذت [ الريالين ^_^ ] !!

مماراق لي