منتديات شمس الحب - حالي الريق

[align=center][("^~،حالـــــي الريق،~^")]

ثواني..
غير عن كل الثواني..
سقتني.. من عقب الضما..
وابدلت ارضي.. سما..
وانصفتني من زماني..
ثواني..

شفت اللي بشوفه.. يشتعل فيني الوله..
ولمحت اللي وصوفه.. بعيون الملأ مذهله..
جيته بلا شعور..
واضح اني مرتبك..
وغامر محياي السرور..
وكان معطيني اظهره..
وعلى متونه الغر..
فارد كل اشعره..
وادي.. وغشاه السيل..
فاض على سده.. وسواده..
احلك من ظلام الليل..

ماحس فيني يوم جيته..
ولاسمع لي اي صوت..
وصرت واقف في مكاني..!!
وخفت للثواني.. تفوت..!!

طرقت الباب..
وبلا شعور..
إلتفت..
إلتفت صادق الود..
املس الخد..
كااايد الورد..
واصبحني بنور..
يكفي عن هماج الشمس..
ويطمس غيها طمس..
ويطفي نارها.. بهمس..
ويلغي لها كل دور..
وبلا شعور..
اقبلت..
اقبل شموع الغرام..
اقبل لطيف القوام..
اقبل يمي.. بفتنته..
لابسه ثوب سهرته..
واضحه عليه ربكته..
واصبحت من كثر الهيام..
محروم وشاف جنته..

شفت زولي في جبينه..
وعانقتني دموع عينه..
تبكي من ليالي سود..
فرقت بيني وبينه..
قمت اسابق خطوتي..
واخفي ملامح ربكتي..
وخفضت لعزي هامتي..
وحبيت راحة يمينه..

اقبل يمي.. وضميته..
وسكنت في ذرى بيته..
بيت له كوكبين..
بين احضاني.. اخفيته..
حبيته..
وغارت حلو الشفاه..
وصارت تإن آااه..
قلت يا معنى الحياه..
ريقك ماعصيته..
نسيته..

وسقتني..
من حالي الريق قطره..
اسكرتني..
واذهبت عقلي السكره..
مابغيت..
اوصلتني لحدود الثماله..
وبعثرتني..
وبعد لحظة وعيت..
قمت اطالع ساعتي..
مامضى الا ثواني..؟!
غير عن كل الثواني..
سقتني.. من عقب الضما..
وابدلت ارضي.. سما..
وانصفتني من زماني..
ثواني..[/align]