منتديات شمس الحب - فرحه بعض الناس مبالغ فيها بعد عودة البدلات والمكافآت ( ادخل وسجل كم رجعلك ) .!

السلام عليكم ورحمه الله وبركاته

انا يوم اعلنوا عن سحب البدلات وانا ما اعرف وش هي لاني ولله الحمد موظف قطاع خاص
لكن استغرب البعض يقول راح نص راتبي واللي يقول ماني قادر اسدد للايجار
وبعد بحث بالموضوع واستفسرت اخوي الحكومي عرفت ان اللي خصم لناس معينه فقط
واللي ما تتعدى 500 ريال ولا 1000
واللي خصم منه فوق 3 الف تحصل راتبه فوق 15 وزعلان
يعني من الاخر ما تستاهل الصجه وقتها

لكن يوم رجعت امس طلعوا ناس يهايطون في تـويتر ولا في مقاطع يصورونها
اللي مصور نفسه في محطه بنزين يقول للعامل " عبي فل الحين عندي فلوس" !!!!
ولا اللي رايح يسدد حق البقاله
ولا اللي يتكلم ويقول كنت ما اقدر اسافر وافلها والحين اقدر
تقول الناس ميتين وقتها والان تنفسوا اللي يشوفهم يقول زوادوا هالراتب
مع الاسف هالمقاطع تعطي صورة غلط للمجتمع السعودي انه حالته حاله
وفوق كذا نهايه هذة الفرحه المبالغه سوف تكون عكس
لو الواحد فكر يمسك قرشه لانه القادم والقريب جداً اصعب مما هو عليه الان هو برفع الكهرباء والماء والبنزين
وفرض الضرائب وزيادة في المعيشة

معقولة البدلات والمكافات كبيرة اللي انخصمت ولا كيف

اذكر وقتها نزلت موضوع اشوف كم اللي خصموا منه الناس الموظفين الحكوميين
اغلبهم جالس يتهرب من الرد ولا يشتكي الحال تقول مسكين ولا يروح يسبني على موضوعي مادري ليش
والان اعيد واكرر موضوعي
وهو اتمنى اللي يدخل موضوعي واللي موظف حكومي يقول هل له بدلات ومكافات رجعت له او لا
واذا له يتفضل يقول كم رجعت ؟
واذا يقدر يقول كم تشكل بـ بالمية من راتبه