تكفون ياجماعة،، نبي فزعتكم في مستشفى التخصصي بالرياض
 

السلام عليكم ورحمة الله وبركاته وكل عام وانتم بخير
احتاج فزعتكم ياجماعة ،، تكفوووون
انا ولدي يراجع في مستشفى الملك فيصل التخصصي بجدة ،، وطلبت تحويله على تخصصي الرياض ،، وافادوني في جدة انه الدكتور يكتب تقرير ويرفعونه للرياض ،، لكن المشكلة انه التقرير بيعرض على لجنة في تخصصي الرياض ،، وممكن يرفضون علاجه عندهم ، ممكن يقولون انه دامه يتعالج في جدة ليش نقبله عندنا ،، هذا اللي فهمته من الموظفين في التنسيق الطبي في جدة ،،
وقلت لهم طيب اذا المريض بينقل الرياض ،، قالوا انهم ينظرون للحالة الطبية فقط ومالهم دخل بمحل اقامة المريض ،،
المشكلة انه الدكتور في جدة وصل معانا الي حل طبي واضح انه مضطر له ،، لانه قال ممكن لو عالجنا ابنك ممكن يكون في اثار جانبية ،، يعني واضح انه هو ماهو مقتنع بالعلاج لكن ماعنده خيار آخر ،،
عشان كذا قلنا نروح الرياض ،، طبعاً في الاساس حنا محولين ع التخصصي لانه رفضوا علاج الولد في الجارج ،،
هذه موضوعي وجزاكم الله خير ،، اللي يقدر يفيدنا او يساعدنا له دعوة بظهر الغيب في هالشهر الكريم