رحت عمره وكلفني ساهر أضعاف كلفة السفره كلها
 

السلام عليكم

اولاً نسأل الله القبول

حصيلة ساهر 3900 ريال فقط لهالسفرية

طريق الرياض الطائف هذا كارثي كله ساهر إلى قبل الطائف بـ 150 تقريباً

جلستي في مكة ماكملت 24 ساعه

جيت قبل امس من العمره وامس واليوم جاني رسائل بمخالفات ساهر

والله انا من الناس اللي ما احب أسرع أمشي 130 إلى 140 هذا اذا كان الخط مستقيم وإذا كان الخط لفات 120 إلى 100 ولكن جاتني مخالفات ما ادري من وين طلعت وخاصةً انك تمشي بالنهار وما تدري عن اللي يصورك مره يمين ومره يسار

ولكن جاني 900 ريال هذي سرعه

نجي عند 3000 الاف هذي قطع اشارة في داخل مكة المشكلة ان قطع الاشارة غير متعمد
الفندق قالي مافيه مواقف فرحت ابحث عن موقف وفيه اشارة قدامي كانت حمرا ولكني وقفت خمس ثواني ثم اخذت يمين ويوم اخذت يمين صورني اثاري يمين مقفل

ياليت يكون فيه مثل النقاط بدل الرسوم اللي مباشرة تظهر بعد ما تقطع اشاره

مثلاً تقطع ثلاث اشارات يحسبونها بـ 3000 الاف أو على الاقل الاشارة بـ 1000

الله المستعان

فقط اوردها للعظه للي بيروح مكة ينتبه من ساهر تراه