انتبهو من شركة تاجير سيارات وسيطة تدعى economybookings.com للمسافرين للخارج
 

السلام عليكم ورحمة الله وبركاته
تجربتي مع هذه الشركة انني طلبت عن طريقها سيارة لاقضي بها اشغالي في احد الدول الاوربية وعند تعبئتي للطلبات كان من ضمنها قسم التامين
فقلت عشان اريح راسي خذ تامين شامل (شامل الضرائب في المطار والدوله والخطوط وغيره وشامل الحوادث بطن السياره فوق السيارة لمبات بطاريه وكلام كثير)، وبالفعل اقدمت على ذلك وتم قص كامل المبلغ الخاص بالتامين حالا.
وعند النظر الى الوصل voucher لم ارى الكلام هذا موجود فيه بل في الوصل كلام كثير يجب ان ادفعه فوق مادفعته لللتامين وان كلام التامين هذاك غير معترف به وان الالغاء اذا وصلت عند المؤجر غير موجود بل سيتم سحب جميع الايام الذي استاجرتها بمعنى انك اذا اكتشفت زيف الشركة الوسيطة economybookings ليس لك الخيار الا ان تكمل استئجارك مع ثلاثة اربعاع الضعف من تكاليف زائدة، وبعد هذا الاكتشاف بعد ماوقع الفاس بالراس قلت ابحث باللغه الانجليزيه عن تجربة الاجانب مع هذه الشركة الوسيطة economybookings وبعد الاستقصاء
تبين انها شركة محتاله تاخذ رسوم التامين الزائف الذي تدعي انها تلتزم به ،كما انها تجعلك في ورطه عند وصولك للمؤجر مع رسوم زائدة تدعي بانك غير ملزم بها في تامينها الشامل وهي الغير متظمنه في الوصل الذي سوف تقدمه للمؤجر ممما يكلفك الاضعاف . من هنا قلت ياولد اتصل عليهم وقلهم يغيرون الوصل الي هو voucher ويظمنون التامين الي دفعت عليه فلوس داخل الوصل ، قالو ابشر وازهل ولاعاد تدور ، مادرو اني غاسل ايدي منهم وبانشبلهم ،المهم استنيت يرسلون لي ايميل بوصل جديد اليوم الاول ولا ارسلو شي اتصلت عليهم اليوم الثاني قالو ياخذ يومين قلت طيب وبعد انتظاري هذي اليومين ما سوو ولاشي عندها اتصلت عليهم وقالو معذرة اليوم بنرسلك اياه هذا الظهر وفي الليل بالفعل ارسلو لي ايميل لكن وش في الايمل
طبعا ايميل خذ خل لافيه لاذي ولاذيك المهم هذا الايميل فيه كم سحبو مني والوصف من هذه الفاتورة انها رسوم لالتقاط السيارة في اليوم الفلاني وارجاعها في اليوم الفلاني ولاتطرقو للتامين الي دفعت عليه فلوس
اتصلت عليهم بعد ماشفت الايميل قلت لهم ارسلتو لي ايميل وهالكلام مايمشي ولايوكل عيش انا ابغاكم تظمنون الكلام الي بالتامين والي تدعون الالتزام به للوصل voucher الي راح اقدمه للموجر قال لي الي في خدمة العملاء معذرة مانقدر نسوي هذا الكلام الان لاننا من اسبوع انتهجنا سياسه جديده وهي عدم تظمين تاميننا الي نلتزم فيه بالوصل المقدم للمؤجر .
هنا اتضحت الصورة للجميع اتمنى ان لاتخدعكم هذه الشركة ابدا اولا نقلا لكم من تجربتي ثانيا نقلا لكم من تجربت الاجانب انفسهم مع هذه الشركة لحفظ اموالكم وحقوقكم.

ماطرحت هذا الموضوع بهذا المنتدى الا لانه اولا ماعندي اي اشتراك بأي منتدى اخر ، كما انني ثانيا عند البحث عن موضوع يفيدني باللغه العربيه عن هذه الشركة لم اجد تجارب لاحد .
لذلك اتمنى من من لديه اشتراكات في منتديات اخرى ان ينقل تجربتي مع هذه الشركة ،
متمنيا للجميع التوفيق والسداد