|
يا معشر التتانة اليوم شفت شيء من عجايب الدهر ادري ماراح تصدقون لكن معذورين لأن لو واحد قالي ما صدقته اليوم بعيوني اللي بياكلها الدود شفت واحد يدخن بارلمنت سلفر ..!! ايه ايه بارلمنت ماغيره هذاك ابو 26 ريال تنطح ريال لعنبوا بليسه حنا آخر الشهر على اعواد العنب واذا استلمنا الراتب شرينا ويست اما اذا طغينا وتفرعنا قطينا بالويكند بمالبورو قولد مايمديك تاخذ موش وتخش جو وتمخمخ إلا اللي جنبك بركبته يدفك مد اللي يـاااهــوه .. والله ياهـو يشفط الزقارة ويمطها ويسحبها ويكنها ويمزها مزة من لايخاف ادبار مال او اقبال فقر او حاجة وعوز ..!! الظليمة شينة ولا ودي اسيء الظن واقول سارقها لكن محتمل وارث ولا مماشي احد الكبارية او انه بسبس مان ولا متزوج بسنسه ومن ولا بواقي ماتم تخزينة قبل ارتفاع السعر ايييييييييييه خلوها البارحـة يـوم امــرح الخلــق شقيـت جيـبـي ودمــع العــيـن مــني يهــلي لمـا لمحــت بوســـط دكــان باكــيـت قـلـت الحذيـة وهقـوتي ما فطـن لـي تسابقــت عــبـرات قلـبـي و ونــيـت ونـة لــو انــي عــدتهـا طــار عقـلي صـارت حـياتـي هـــم واليـوم ملـيـت مابغـى حيـاتـي عقـب مـا غلي تتـني ياموت وش علمك على القبر شحيت ما نيـب الاول كم خـذى التـتن قـبلـي الله يصـيبـــك لابـغـيــناك مــاجــيــت يــامــوت عجّــل خــل عنـك التغـلـي وش فـايـدة عمـري ليـامـن تعافـيت المـوت اريـح لـي مـن فـراق تـتـني |
| الساعة الآن 12:54 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir