منتديات شمس الحب - تقاعد خويي وبلشت به

ياجماعة الخير فيه زميل لي في العمل متقاعد من سنه وكم شهر تقريبا علاقتي بها اقل من عاديه ومابيني وبينه ذيك العلاقه له فتره تقريبا من ستة شهور كل اسبوع مره او مرتين يصلي معي العشاء وطلبعا لازم اقلطه ويسنتر عندي الى الساعه وحده او ثنتين وانا في الأساس مهنا ذيك العلاقه بيننا وسواليفه من النوع الي ماتجوزي كلها تشكي من الفراغ وعياله وصجتهم وندمه انه تقاعد ومن ها الخرابيط العجيب يوم الجمعه لقيته مسير علي بعد صلاة الجمعه وهو يوم جمعتنا عند الوالد واستحيت اصرفه وقلطته وطلبت غدا من الناضج وجح وجراوه ولعب فيها لعب قلت بيصلي العصر وبيمشي صلينا العصر ورجع معي وقلط وتقهوا وسولف يوم اذن المغرب راح
الحين انا في ورطه اخاف اصرفه يزعل واخاف اطقها بوجهه يزعل مدري تكفون من عنده فكره اني اصرفه بحيث انه مايحس او تزعله
اخوكم المحروم من الطلعات في الفتره الأخيره كنغر