تكفون لا تساعدونهم
 

اليوم ذهبت بالسيارة إلى المنطقة الصناعية للكشف على مكيف السيارة ، حيث تغيرت فيه قوة التبريد وضعفت ، ووجدت ورشة لإصلاح مكيفات السيارات ، وفيها عمال جالسين بداخلها ، ووقفت السيارة أمام المحل ، وجلست فيها أنتظر واحد منهم يجي لي من شآن أعلمه بالمشكلة ، ولكنهم بقوا جالسين يطالعون في ينتظرون إنني أنزل من السيارة وأذهب لهم وأخبرهم بحاجتي ، المهم جلست في السيارة عدة دقائق وعندما رجعت بالسيارة للخلف أريد الذهاب قام واحد منهم وجاني وسآلني عن المشكلة الحاصلة في السيارة ، وقلت له بأن المكيف تبريده ضعيف وربما يحتاج إلى تعبية فريون ، وجاب جهاز الكشف وقال لي فعلاً الفريون ناقص ويحتاج تعبية ، قلت له بكم تعبي الفريون للسيارة ، قال لي ب 200 ريال ، قلت له يا أخي اللي اعرفه أن أسعار تعبية الفريون للسيارات التي مثل سيارتي في حدود 80 إلى 100 ريال ، قال لي هذا قبل لكن الآن الوضع تغير وصارت علينا رسوم إيضافية غير إجار المحل ولا بد من رفع الأسعار ، قلت له بتاخذ الرسوم من جيبي ، لا ما ني دافع لك الا 100 ريال إذا موافق عبي الفريون وإذا ما أنت موافق أبا أشوف محل غيرك ، تردد وحاول يوصل المبلغ 150 ، 120 ، وفي الأخير بعد ما شافني متمسك برآيي وافق يعبي الفريون ب 100 ريال .

تكفون لا تساعدون العمالة في رفع الأسعار علينا وتحققون لهم ما يتمنونه بأن ياخذون الرسوم من جيبونا على قول المثل ( من لحاهم علفوهم ) ، اللي يرفع السعر عليكم أتركوه ودوروا غيره وكاسروهم في الأسعار لين يرجعون للوطى وتتكسر قرونهم ، ويخيب ضنهم في رفع الأسعار علينا .