حال السوق السعودي ( شعرا)
 

وش نبي بالسوق والمربح هلل
ناخذ الاسبوع في نص الريال

وان ربحنا شي خسرنا دبل
ذي حقيقة ماهي من نسج الخيال
والسبب ارجاف كذاب ونذل
وتوصية انسان ما يمشي عدال
بالنزول يجيك انحش يا بطل
وبالصعود يقول لي هيا تعال
ثم تعلقنا على قمة جبل
تشوفني بالليل من تحت الهلال
كدنا الكداد كد بلا كلل
والمكدة ضيعت بعض الرجال
تغرق الشاشات من دمع المقل
مختصر يغنيك عن سرد الطوال
أشهد إن السوق مستنقع وحل
بالحرام المنتشر وسط الحلال

يسكن الهامور في أرقى الفلل
وبعضهم للأرض ما يلقى مجال

في عيونه هي أبعد من زحل
والسبب أموال ضاعت في الرمال