تجربتي ببلاغ 937 ضد مستشفى رفض استقبالي
 

تجربتي ببلاغ 937 ضد مستشفى رفض استقبالي

السلام عليكم

كان عندي الم شديد منطقة الورك المه مثل السكين ودوامي خارج منقطتي كان الألم فضيع لكن مو لدرجة انه مبين علي
فقلت خليني اروح مستشفى العام حق هذي المنطقة ففعلا رحت لقسم الطوارئ في الصباح
كان في الاستقبال سوداني وقح بدون الكشف علي وبشكل غير مبالي قالي رح المركز الصحي وجيب تحويل
قلت انا من خارج من المنقطة
قالي بتعلمني النظام ؟ حالتك ماهي طارئة
شفت ان الوضع مافي فايدة رحت للمركز لكن مادخلت لانه اصلا لا ملف ولا موعد عندي وحتى لو استجابوا بيعطوني تحويل واخذ موعد
فكرت شوي وقدمت بلاغ عليه ضد 937
قريب الظهر يتصل العلاقات العامة من المستشفى وشرحت له الوضع وقالي تعال نكشف عليك
قلت ابرجع مدينتي اكشف هناك
وقلتله المفترض يكشف وبعدها يحولني للمركز في حال عدم حاجتي للطوارئ
مو من بعيد وبقلة ادب يقولي مافية كأنه مستشفى ابوه
قلت ماجيت وانا في زكمة حتى يقول
وممكن فعلا تكون حالة طارئة وهذا الشي ماراح يعرفه الا عن طريق الكشف
ومو معقول الواحج يتألم حتى يجيه موعد
قالي كلامك صحيح وقال شكوتك جاية من الوزارة ولازم نقفلها تبي تتنازل ولانحولها تحقيق
قلت حولها تحقيق
انا عارف ممكن مايتعاملوا بشكل كويس مع الشكوى لكن المقصد ان ادب الطبيب القليل الادب
وبتابع الشكوى عبر الرقم 937 باذن الله
والليلة ان شاء الله اروح مستشفى خاص