|
رخص الحصان ورخصوا الطيبيني..... قصيده كل بيت احسن من الثاني هذه القصيدة للشاعر سليمــــــــان بن شـــــــــريم يرحمه الله. ولد الشاعر في قرية بن قنور بالسر ثم انتقل منها إلى عنيزه وتوفي سنة 1363هـ وقد تمّ تلقيبه بـ (متنبي الشعر النبطي) وإلى القصيده البارحه ماذاقت النوم عيني همٍ بتنجيمٍ بفكرٍ بهوجاس وأصبحت من عقب السهروالونيني جسمٍ برمة مجرمٍ عند حــــباس صبرت لين الـــــــــــصبر بيّح كنيني ولاشفت لي من جملة الصبر نوماس شابت عوارض لحيتي قبل حيني وقنعت من عقب الفوايد بالإفلاس من شوف دنـــيا تفجع الغافليني ترفع ذنب وتطمن المتن و الراس تبدلت هرج العرب بالرطينــــــــــي و قامت تجنس لي على سبعة أجناس رخص الحصان ورخصو الطيبيني وغلي الحماروغلي شكله من الناس وقام الردي يدحــــــــم بجنب متيني وولد الحموله قام يمشي مع الساس و قل الرفـــــــــــــيق و قلو الغانميني وكثر الحسد و أهل النمايم و الأنجاس شان الزمان وشان وجه الضميني و تغيرت كـــــل الطبايع والألباس والمال صـــار مع المره والدويني والطيب راح وقطّعت عنه الأرماس و خليت كفوف مدلّهين الحزيني واللي تورثهم شعر ساق وجساس و الذيب جاع وكل ثور بدينـــــي والحر برقع وأبرق الريش فراس و ذل الجسور و كل حد السنـــــــــــيني و تكشيف عرض الناس هو سهمة الناس والمرجله نسخت مع المــــارتيني و تعوضو عنها بخوصه و مكناس و قام الردي يحشم مع الحاضريني والراس ديس و خدّم الحر أبا الحاس وصار الصديق إهو العدو البطيني يشرف عليك ويصبح الصبح بلاس و طرد الهوى بختوا به المفلسيني شرّابة المصفاة طباخة الفـــاس و ختــــام قيلي يها السا معيني صلوا على المختار ماهل رجاس والآل والأصحــــاب و التابعيني عد النبات وعد حصحاص الأطعاس أعجبتني فنقلتها لكـــــــــــم مــــــحبكـــــــــــم الـحـصـن . |
| الساعة الآن 09:31 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir