دعوة للضحك لكن بشويش بدون قهقهة
 

يقول المثل
ما يدخل حبّاي من تحت منبطح
:hawamer1612

واذا قالوا وين اذنك يا حبشي
قال هذي


مالكم بالطويلة

نويت احجز من الرياض الى كوانزو بالصين
الروحة 18 سبتمبر والرجعة 17 اكتوبر
دورت حجز لقيته نار
والسعودية 5582 ريال

لذلك ونتيجة لخبرات سابقة
ولأني عارف ان ربيعنا ماحولك احد
ومقتنع قناعة تامة ان الاجنبي مدلع عندنا
وخيرنا لغيرنا مافيها كلام

حجزت كالتالي
على الخطوط السعودية من دبي لكوانزو بنفس التواريخ
والسعر يابلااااااااش
1300 ريال روحة ورجعة

ثم حجزت الى دبي بنفس يوم الروحة 18 سبتمبر ذهاب فقط بسعر 499
من خلال طيران ناس وتوصل دبي 6.15 مساء
وانتظر 40 دقيقة
بعدها اقلع الى كوانزو 6.55 مساء مروراً بـــ >>>>>>>>>>>>>>>>> مستحي اقول لكم بيرجعوني الرياض ترانزيت ..!!
:hawamer1612

والرجعة بإذن الله 17 اكتوبر
مروراً ترانزيت بالرياض
ساعتها
بنزل وبقول توكلوا على الله روحوا لحالكم لدبي
ما والله اخاويكم
وبكذا بدلاً من دفع 5582 ريال
بدفع 1799 ريال
والتوفير 3783 ريال

وان طاعوني
مافيه داعي يكلفون علي وعلى انفسهم
يودوني لدبي ثم يرجعوني
خيررررر ..!!
وفروا علي قيمة تذكرة فلاي ناس
واوفر لكم مقعدين
من دبي الرياض -- الرياض دبي

:hawamer3812