عاقل ولكن للمجانين مجنون ** مر وصبر للمر وألا فراتي
 

https://upload.hawamer.com/d.php?has...6R6X5VK65W6H3X
السلام عليكم ورحمة الله وبركاته

قصيدة تعبر آياتها عن الغرض منها ، كتبت
ابيات القصيدة في مناسبة. لا داعي الآن
لذكرها

اليوم لي معنى على قاف موزون
نظم نظمته في ويخص ذاااتي

أبطرح الكلمه على الواو والنون
في موجز يذكر جوانب حياتي

مذنب وحسن الظن بمدبر الكون
مع كلمة التوحيد أرجو نجاااتي

الكل فيه الخير مع شي مدفون
واللي بحث عن شي بالشي ياتي

مالي على شينة مواويل ولحون
وتهون مع طرد المقفي وفاااتي

ولا أخلف هقاوي ناس في يتهقوون
ونفسي فدا قلب على الضيم باتي

ماني مثل موسى ولاني بفرعون
وماني جبااان ولا بطل كالزناتي

أدفع بخير إن جات وابليس ملعون
و ألا نطحت وكيف ما جات جاتي

اسلوبي معك باللي صدر منك مرهون
سكر تعاااال آجيك سكر نبااااتي

عااااقل ولكن للمجانين مجنوون
مُر و صِبر للمر و ألا فراااتي

اللي عليه أمون عندي يمونوون
ومن هنت عنده مستواهم حذاتي

ألعب مدافع قلب مرات وآكون
محور وسط وأطلب من الله ثباتي

تبغى نهايتها مثل ما يقولووون
وزبدة كلامي للرجااال الثقاتي؟

يمناي فيها ورد وأغصان زيتون
ويسرى يدي أشيل فيها عصاتي

وسلاااامتكم

عنتاب