منتديات شمس الحب - يااخوان كيف التعامل مع الطفل الخواف من المدرسة؟ هل اضرب الطالب الي يخوفه؟

السلام عليكم ورحمة الله وبركاته

مساء الخير

لدي اخي الصغير اخر العنقود صف اول متوسط
الولد نحيف وصغير مثل اي طفل وجهه اصفر ويلعب بلايستيشن فورتينايت كثير وينسى نفسه، ماعنده ربع بالشارع ولا بالحارة .

لاحظت اليوم ما راح المدرسة جالس بالبيت غايب عن المدرسة ، سألت الوالدة
تقول: مافي شي.

اصريت وشفيه غايب!! وشعنده حجه! يعني الجلسة بالبيت حلوووه ! زي العاطل بدون شغل !

قالت الوالدة : بالفسحه يلعبون هو وصديقه وضربه بالعصير على ظهره، وظهره يعوره والصبح يصيح مايبغى يداوم!!!
ويوم اسأله يقول : يؤؤؤؤؤؤؤه

طبعاً ما اقتنعت أكيد في انه!! بالموضوع
اكيد في طالب يخوفه يذلل له او يتنمر عليه احد.
وهو دايما يغيب مرات ومرات، واذا فيه أدنى مرض على طووووول يغيب مايتحمل!

والعام نفس الشيء بس كنت مو فاضي ومشغول ..
اما الان انا عاطل عن العمل..

المهم ما العمل يا اخوه؟ شورو علي

هل اروح المدرسه أنا وابوي واطلب من المدير
يجيب لي اصدقاءه الخاصين، واسألهم واحد واحد هل متهاوش مع احد، هل فيه احد يخوف الولد او يهاوشه او متضارب مع شلة!

وهل وإذا جابوا الولد هل اضربه وافرك اذنه واصفعه كف على وجهه قدام اخوي الصغير والمدير وابوي؟

ماهي الطريقة المثلى؟