سالفة غريبة في العنوان الوطني ياليت أحد يفيدنا
 

شريت سيارة لاخوي الصغير ....واليوم تفاجأت بعد دخولي لموقع تأميني https://www.tameeni.com


لطلب اسعار التأمين بوجود عنوان وطني لأخوي في المدينة المنورة !؟



أستغربت أخوي أعرف ما سبق وسجل في العنوان الوطني .. من وين جاء هالعنوان ... خصوصا ونحن نسكن في المنطقة الوسطى وتقريبا ما لنا اي معارف في المدينة المنورة



اتصلت على خدمة العملاء عند العنوان الوطني



وقالوا صحيح انت مرتبط عنوانك بعنوان شخص مقيم ( تركي ) وذكر لي أسم .. في المدينة المنورة وذكر لي العنوان كامل



شلون ..!؟


كيف أربط عنواني بعنوانه



قال تبي نحذفه .!؟


قلت لحظه الان أنا بعرف كيف سجل هذا العنوان لي .. أنا ما سجلت هالعنوان .. ومن هالمقيم اللي مرتبط معه ..!؟


المهم كلام طويل ... خلاصته أنا بنرفع للإدراة ونرد عليك ..


يعني معقولة أحد مستخدم السجل المدني حق اخوي ..!؟


الان سجلته في أبشر لكن المشكلة نظام التفعيل لازم انتظر لبكرة وبشوف عليه مركبات بأسمه ... أو لا


المخالفات ما حصلت شي ..


وين مفروض ابحث وكيف أعرف هالتركي من وين أرتبط عنوانه بعنوان اخوي ..!؟