هذا الي شفته ..يبلط قبل مايخلص عظم . والاسعار ناااار
 

السلام عليكم ورحمة الله وبركاته
فيه 3 عمائر معروضه للبيع شقق تمليك
أمس العصر مريت بشوفها
الشكل الخارجي جميل والانوار والتشجير مغري جدا
لكن قبل ماكمل السالفه لكم
انا متابع لبناء هذه ال 3 عمائر من طقو الخنزيره الى أمس
بسبب اني أمر مع شارعها في اليوم مرتين و 3 مرات
احيانا بالسياره واحيانا ماشيا
دخلت وشفت شقة العرض
طبعا مؤثثه ومرستكه
سألت الموظف وقلت له شغلكم نص ونص وفيه تشققات وبعض الاشكاليات
قال لا شغلنا زين وانا مشرف على الشغل
قلت جابك الله
انتم تصبون الدور الاول وقاعدين تبلطون تحت وتسوون الجبس
وشغلكم سريع جدا وواضح انكم مستعجلين
الرجال أنحرج لما قلت له انا متابعكم بشكل يومي
وقال والله انك صادق وشكلنا استعجلنا
انتهت السالفه
باقي المهم الان
يوميا اشوف سيارات واقفه وحريم داخله وطالعه عشان يشوفون شقة العرض
والاهم من ذلك ان الشقق اغلبها انباعت
والاسعار ناااار