سلام عليكم انا مسوي حساب هنا ومو راضي يتفعل اكتب موضوعي فكنت اسولف معا راعي الحساب هذا وطرح على اقول سالفتي هنا وسجلت بس تاخر ما فعلو وعطاني حسابه حتا اكتب قصتي فيها حتا يتفعل حسابي
ملاحظه انا منا جالس اتشحذ فلوس ولا ابي فلوس ابي احد يساعدني ويوظفني احد معه كلمه حلوه يقوله او يدعي لي من يتريق الله يرحم امك اللي فيني كفايه لانه مابقيت مكان بس ماشي مانفع شهر يعطيني وشهرين لا ولما شفت انه صار انه صرت مديون رجعت البيت
طبعا اللي وصلني كذا المواصيل هم ابوي وامي والله يسامحهم هم كذا يحسبو انهم تربيتهم صح زي ما ربوهم ابوهم وامهم لكن زمان يختلف عن وقتنا واصلا هم ندمو الحين واشوف في عيونهم نظرة الحسره والقهر اللي كنا يطعمهم منهم بس سامحتهم حتا هم بعد ماكبرو في العمر دائم يقولو لي سامحنا احنا كنا نسوي زي ما كانو اهلنا بس كنا على غلط قصتي معهم
نصيحه مني لكل اب وام صادقو عيالكم وطور من اسلوبكم في التربيه بدل ماتقولو لهم الله يلعنكم من عيال قل الله يهديكم ولاتضربوهم وهم صغار لانه اهل ابوي واهل امي كانو نظامهم قديم مافي غير السب واللعن والهواش وطبعا جيل ابي وامي يختلف عن ذا الوقت اعمارهم في السبعين والله اني اقول لكم من تجربه انا واخواني تعرضنا للسب والحرمان ولعن وسب علي بالهم انها تربيه وهي غلط في الاخير احنا الضحيه بقول لكم عن نفسي انا عمري 30 والله العظيم اني لحد الان اذ تكلمت معا شخص احس نفسي خايف ومخنوق واقسم بالله انه لما اتكلم معا احد عيوني تدمع ويتغير صوتي كني ابكي ورب شاهد علي ابوي الله يهدي كان يسبني قدام الناس زي ماكان جدي يسوي له بس ابوي زمان كان عادي في ذاك الزمن وطلع رجال لكن يوم كنت صغير كان اذ بغيت شي بطلعت الروح ياخذ لي لين صرت ماعاد اطلبه صح مايقصر معنا بس تكره حياتك يوم كنت في الابتدائي كنت ابي بدله طول محنا رايحن السوق سب ولعن لين ماعاد صرت اطلب منه شي كان اذ طلعت معا اصاحبي اقسم بالله جلد لانه في نظامه خايف عليا بس اسلوب كان قاسي لما كان عمري صغير كل ما اجمع لي فلوس اشتري كوره فقعها يقول لعبة الشيطان مره قلنا ناخذ ممتاز انا واخواني ويجيب لنا سوني 1كان سعره وقتها 1400 تقريبا جلسنا سنه نطلب ويقول لا مو بخل بس مادخلت عقله ويوم اخذ لنا جلس معنا شهر رجع من الدوام تهاوش معا امي واقسم بالله انه جاء ومسك السوني وكسره جلست ابكي فتره حرق قلبنا وبعدها بفتره جمعنا فلوس انا من الفسحه والاعياد وخذينا سوني صغير لونه ابيض وامي كسرت الريموت حقتها ماكنا مشاغيبين والله حتا لما كان يذاكر يضربنا كنا نرجع من المدرسه نبي ننام لين صلاة العصر اقسم بالله كان يضربنا بالهوز واحنا نايمين تقول قوم ذاكرو كله ذا خوف غيرالمدرسين حق الاملاء كان يتصل لابوي يقول له تابع الولد في البيت يحسب انه معي ابي راح يتابع زي الاباء راح يجلدنا جلد لين كنت اقول للمعلم تكفي لاتعلم ابوي يقول ليه وريته كتفي وعرف وتجنن لحد الان عندي اغلط املائيه من كره للمعلم ولابوي وقتها كله ذا خوف كل مايودينا البحر الناس تنزل علي الشاطي احنا بس نشوفه من الرصيف يقول لاتروح هناك كله خوف
وصار كل ما جو ناس الناس تمدح في عياليهم الا احنا يسبنا سب فاحش وذولا زي مايقول جدهم مو كفو ويحطمنا صرت ماعاد احب اروح العزايم والاعراس صرت اخاف من الناس حتا صلاة الفجر
ولمغرب والعشاءجماعه ما اقدر اصلي لانه لما اقراء القران اجلس اصيح صوتي كنه فيه بكاءاذ تاخرت اجلس حتا احصل واحد يصلي فيني
لحد الان كل ماتوظفت اسحب لانه ما اقدر اكمل يا اذ جيت اتكلم معا احد ابكي او ويدي ارتجف احس بخوف حتا السواقه لحد الان مااعرف تعرفو وين المشكله لما كبرو ابوي وامي عرفو انهم علي خطاء وانه ترتبيتهم كانت غلط الخوف علينا لانهم طول ذاك الوقت مافي غير كلمة سب انتا مخن...انتا حتا يشكو فيني احنا الذكور وين رحتم انتم كذا وكذا ما اقدر اكتب الكلام جارح ووسخ الله يسامحهم لانه نظامهم نظام قديم لانهم عاملونا زي ما اهل ابوي امي يعاملونهم وزمن ابي وامي غير مرات ابوي يقول لو خلقك الله بنت وازوجك كان يجرحني واسكت اروح غرفتي اصيح حتا وقت الحر والله كان المكيف يشتغل بس ساعات مو بخل بس خايف نمرض طبعا ابوي وامي كانو يعاملو جدي وجدتي برو فيهم يعني علي ذا الشي اللي كان يسوي فيهم لكن كانو كفو وطلع رجال وامي نفس الشي بس ابوي وامي يبغو يربونا زي ماربوهم بس احنا مانتحمل هم فترة المراهقه عندهم ماكان في كهربا ولاشي احنا جينا عام 1408 وقتها يختلف كل شي كنا اذ مرضنا نسكت مره قطعت مكان الابهام يدي بالغلط رحت غطيتها وجلست يومين لين عمي شافني ورحنا المستشفي قالو ليه ماجيت من بدري كان لازم خياطه والحين مانقدر لين طبت ويوم كبرو في العمر ندمو علي كل شي حتا يقول لنا احنا اسفين وكنت اقول لهم لا عادي وانا اتالم من داخلي زرعو فيني الخوف حتا ماتوظفت عرفو انه السبب هم ماجالسو يهاوشوني سكتو وانا والله حاولت وماقدرت والحين انا بار فيهم واي شي اسوي لهم اساعدهم فانصيحه مني لاتسبو عيالكم ولا تلعنو فيهم قول لهم كلام حلو صادقوهم راقبوهم بحرص
احنا ماسوينا عقوق الوالدين علي ذي المعامله اللي شفنا منهم حتا هم عرفو انهم اخطو فينا خواتي لا تزوجو واحنا نفس الشي والله كريم والله يلطف فينا والله يسامحهم دينا واخره وماعمرنا غلطنا ولا سوينا شي بس هذا كل ربونا زي مااهلهم ربوهم وزمان يختلف عن يومنا المهم ابتعدت 6 سنوات عن الناس وتقربت لله لين راح مني اذ كنت اتكلم معا اي احد اتكلم وكني ابكي الحمد الله راحت وراح مني الخوف والحمد الله بخير وكنت في حاله مايعلم فيها غير الله
المهم انا عندي ثانويه وعمري 30 ومعي دورات 14دوره بعدين اكتبها خذيتها من مكتب العمل
انا ابي اشتغل اي شي وابي اكون بعيد عن اهلي واجيهم في السنه مره واعطيهم فلوس انا ابي اشتغل شغلتين في الصباح والمساء لو انام من 12-لين 6 عادي واشتغل فتره صباحيه وفي المساء ابي راتب لي وراتب اعطيه كامل امي والله شاهد علي لاحد يقول افتح مشروع ماعندي فلوس ابي اشتغل عند احد واذ ماعجبه شغلي يطردني وحتا لو الشغل صعب ااتعلم اسبوع وبعدها شف قسم بالله اتقن الشغله حتا لو مامعي شهاده وعندي دورات مهنيه المهم اتمنى احصل واحد يساعدني مابي فلوس ابي يوظفني قد رحت محلات واستقبال بس ابي وظفتين لازم علشان اهلي لانه في الخاص راتب واحد ما يكفينا ابي واحد لي منها استاجر ومشاوير والثاني اعطيه اهله وشكرا لكم وادعو لي ممكن واحد يقبل دعوته الله لانه حظي والله مدري كيف ابي اذ لقيت اتفاهم معو خاص وعلى طول اروح هناك لانه كل ما اروح مكان يقول نتصل لك وماعاد يتصل ساعدوني ورب الكعبه مابي فلوس ولا صدقه ابي وظيفه ابي اعيش منها واعطي امي وخواتي
المواضيع المتشابهه 
سلام عليكم اريد مساعدتي مابي فلوس ولاشي علموني وادعو لي 
العرض الشجري
