هذه رؤيا والا حديث نفس..
 

دايما افكر في بنتي الصغيرة باقي لها عملية
لكن اليوم بزيادة بيني وبين نفسي اتخيل بكاها والالم ولحظة ماياخذونها مني للعمليات لان هذي العمليه الثانية والاخيرة بحول الله
المهم نمت غفوة بسيطة بعد صلاة العصر
وشفت هالرؤيا او الحلم او يمكن حديث نفس اللي يعرف يفيدني

——————
شفت اني في بيت اهلي ومافي الا انا وعيالي وفيه اسد في البيت
وعيالي الصغار قلتلهم يقفلون على انفسهم في غرفة
لكن الولد والبنت الكبار مايسمعون الكلام وانا من ورى باب احدى الغرف اشوف بنتي الكبيرة رايحة للأسد تقول بشوفه بس وانا اصارخ عليها وهاجمها الاسد لكن ما اصيبت وخافت وراحت
وجا بعدها ولدي الكبير نفس الشي يقول يمكن مو اسد بشوف وهاجمه الاسد واسمع صوت الاسد لكن ماجاه شي مثل اخته
والا اسمع ولدي يقول يا امي الاسد اخذ (بنتي الصغيرة) وخرج
وانا في غمرة الخوف خرجت الحق ورى الاسد باخذ بنتي منه باللي يصير
لكن كنت اقرأ الاذكار وآيات قرآنية واستودعت بنتي عند الله
ولقيت الاسد عند باب العمارة معاه بنتي
وفيه رجل ما اعرفه لابس جلابية بيضاء (نفس لبس الصعايدة)
والرجل انقذ بنتي من الاسد وارسلها عليا
وشلتها وضميتها وكانت طيبة ما ضرها الاسد بشي
وفتح الرجل الباب للأسد خلاه يطلع من بيت اهلي

انتهى .