منتديات شمس الحب - هذ الشاعر مطلوب حيا او ميتا الشعار يدورونه خصوصا بن حمري الحبابي القحطاني

راكب اللي كن تمثاله على كبوته
خشم شاعرنا المفضل "لافي الغيداني"

جمس بيكب صوت بن شلحاط يشبه صوته
لونه اسود مثل بشرة سعد "ابن جدلاني"

والرفارف بارزه عن بديه ومنحوته
كنها مؤخرت "بن حمري" القحطاني

وكن ريموته ليا دققت في ريموته
ماتقول الا لسين سالم العرجاني

ودبة الشكمان من تحت البدي ملفوته
كبر راس الشاعر المشهور ابن قضعاني

والمرايا فالجوانب ثابته مفلوته
مستطيله مثل اذان الهاجري سلطاني

وفالمطب مساعداته تختصر فالشوته
طول سيقان المطيري تركي الميزاني

ولا طفى يشبه سعد علوش وقت سكوته
مانقول الا عليه اسم الله الرحماني

ولا مشى يهتز كنك راكبٍ لك حوته
مثل هز "المنقره" في ساحة الميداني

لاسرى ليل الحزين وعاف لذة قوته
وصار لون الليل ياخذ من حسن كراني

ودي اصل به فجوجٍ خاليه منعوته
قبل لاتشرق علي الشمس كان امداني

كني اللي مغتنم له شي قبل يفوته
الطواري مع سباريت الخلا تحداني

الهواجس والطواري قنبله موقوته
كل ماثارت تشابه ثورت البركاني

والبنادم في حياته لو درى عن موته
ضاقت الدنيا عليه وصار علمٍ ثاني