موقف غريب حصل لي في اوبر
 

السلام عليكم ورحمة الله وبركاته

صباح الخير

ي احباب صار لي موقف البارح في اوبر غريب وللأن مفجوع والله 😢

اولاً
بقول لكم قصتي .. انا قبل 20 سنه ب 5 ابتدائي جاني عين ومرضت وتنومت ب الرياض سنه
( فقدت الكلام ، النظر ، الحركه ، السمع ) والحمد لله تعالجت ورجعت طبيعي ولله الفضل والمنّه
لكن فيه شي زي الخيط بجنبي اليسار كأنه مربوط وعملت فحوصات وكلش سليم وتبرمج بعقلي انها آثار العين .. عموما تعودت وخلاص

الان ببداء باللي صار معي في اوبر

انا اشتغل في اوبر والبارح جاني طلب ورحت وطلع معي وحده وسبحان الله انا ما ارتحت لها من مشيتها من كل شيء حسيت وراها بلا المهم ركبت وسلام وكذا
وانا بطبعي ما اتكلم مع احددد الا وتقلي بصوت خافت انت تعبت وانت بسنه خامس ابتدائي...؟!!!!

خرشت ام ام امي

والتفت فيها وانا مفجوع وانتي من وكيف عرفتي و و و و

وهي تقول اصبر اصبر هدي بالك

انا اعالجك واعالج المربوط بجنبك..!!

انا اعالج بالطاقه وانا اذا جلست جنب احد وتعبان احس بالتعب اللي فيه واعرف كل تفاصيل مرضه وتعبه انا اشوف الذر مالي جسمك انت مره تعبان ولازم اعالجك 😂😂

انا ماعاد ادري وش اقول مصدوم هذي كيف عارفه ..؟
هل هي مشعوذه ..؟

المهم وصلتها مشوارها وقالت هذا بيتي اذا تبي اعالجك تعال
العلاج بـ 1000
والجلسه 200
قلت لها انا بخير ومافيني الا العافيه
وفمان الله

بس للان مفجوع وجالس افكر فيها