بعد سنتين من شراء عماره بتمويل عقاري من البنك
 

السلام عليكم ورحمة الله

حبيت افيدكم بتجربتي بعد شراء العماره

العماره اشتريتها بغرض استثماري لاني ساكن بفيلا مرهونه للبنك بتمويل عقاري ايضا باسم زوجتي

المهم عمارتي 4 شقق مؤجره

رغم ذلك اقول انه تغير وضعنا المعيشي تماما بعد شراء العمارتين نزول حاد بالرواتب لايغطي تكلفة المعيشه الغاليه

السلبيات :
*عيالنا اللي بمدارس خاصه طلعناهم لمدارس حكوميه
*النوادي الرياضيه للاولاد بالعصريه كنسلناها
*خففنا كثير من الترفيه بالمولات واستئجار الاستراحات وشراء الهدايا ومساعدة الاهل
*سفرنا الشغاله الفلبينيه اللي براتب 1500 واستبدلناها بشغاله بنجلاديشيه براتب 800
* السفر محدود وداخل السعوديه فقط

فالله يعين اللي ماخذ تمويل عقاري لشراء بيت للسكن فقط ولافيه ايجارات
لايمنع اننا احسسنا بالراحه النفسيه لوجود سكن ملك حتى لو مرهون والموقع مناسب قريب للمدارس واعمالنا لكن بالاخير كله للاولاد ونحن في ازمه ماليه منذ سنتين وضغوط نفسيه لكن الحمدلله على كل حال
كان يزيد من راتبي 10 الف والان 2-3 الاف لولا الايجارات ماقدرنا نكمل لاخر الشهر

احيانا افكر اني نادم على هذي الخطوه واحيانا اقول امان ومستقبل للااولاد لكن حتى سياره الان مااقدر اشتري .. والحمدلله على كل حال