كيف اتزوج بدون ما اخسر كل ما املك ؟
 

السلام عليكم ورحمة الله وبركاتة

هذه اول مشاركة لي وللأمانة سجلت هنا كوني متابع من فترة للمنتدى واشوف فيه حكماء وعقلاء وأصحاب رأي سديد

راح اخبركم بقصتي وظروفي المادية وشوروا علي ونصحوني

اولاً عمري 31 سنة تزوجت المرة الأولى قبل 4 سنوات بمساعدات من الأهل وقرض بنكي وبنك التسليف ولم نوفق والحمد لله على كل حال حدث الأنفصال بعد سنتين من الزواج وبدون أبناء ولله الحمد

القروض

القرض الاول كان لبناء شقة في بيت الوالد ومتبقي عليه سنة ونصف تقريباً
القرض الثاني للسيارة وتبقي علية 3 أشهر تقريباً
ولدي الان جمعية زي مايقولون لسداد الدفعة الأخيرة من السيارة اللي تبلغ 27000 ريال

الراتب الان 9500 ريال

بعد انتهاء اقساط السيارة بعد 3 اشهر ان شاء الله يتبقى صافي الراتب 5400 ريال حتى انتهاء الجمعية والقرض الاول بعد سنة ونصف ان شاء الله

إذاً الان راتبي صافي 5400 ريال ولله الحمد


الان ارغب بالزواج ولكن بصراحة ما ابي احط اللي عندي كله واخسره وبنفس الوقت ابي اعف نفسي بالحلال لأن الصبر الان بصراحة متعب جداً

نجي الان للمتلكات

عندي تقريباً 50 الف ريال كاش من ضمنها 15 الف مساعدة من الوالدة

عندي اسهم خسرانة حالياً لكن قيمة شرائهم 70 الف وما افكر ابيعهم نهائياً لأن بالنسبة لي هذا استثماري واملي بالمستقبل ان شاء الله

بصراحة خطتي للزواج بعد إرادة الله لو الأمور ترتبت تكون بعد 6 أشهر من الان

ابي اراء ونصائح ذات قيمة

بعض النصائح اللي جاتني ممن اثق فيهم

تزوج اجنبية = غير مقتنع بالفكرة تماماً
50 الف تكفيك = صعب جداً من وجهة نظري
اهلك بيساعدونك اكيد = بصراحة ياوجه استح
تزوج موظفة = فكرة جيدة لكن مش مهمة ولا حسبتها يعني ابي اتزوج بنت سنعة تعزني واعزها تخاف الله ما ابي اتزوج وحدة عشان عندها راتب

ختاماً اللي ماعنده وجهة نظر او رأي يكتفي بالدعاء لي وجزاكم الله خير