|
〽 تخيلوا معي 〽 حفل فيه عدة قاعات كل قاعه لها فعاليه قاعه للرياضه وقاعه للتقنيه وقاعه للفن وقاعه للثقافه وقاعه دينيه ولشؤون الدين فجأه يدخل واحد من حقين القاعه الدينيه على احد القاعات المجاوره ويأخذ المايكروفون ويقول استغفروا الله يامسلمين ثم يدخل واحد ثاني من جماعته ويقول ماتعرفون فائدة صلاة العصر والعشاء ثم ينصرفون وتبدأ القاعه في طرح مواضيعهم الخاصه بهم .. بعد عشر دقايق يدخل الشخص نفسه ويقول لاتعلمون ماهي فائدة صلاة الوتر ثم اذا انتهى دخل الشخص الثاني وقال استغفروا الله يامسلمين ثم ينصرف ثم يجي مره ويخطف المايكروفون ويقول لاتنسون صلاة الضحى ثم يطلع ثم يجي واحد ثاني ويقول استغفروا الله يامسلمين واذكروه وبعد 3 دقايق يرجع الشخص نفسه ويقول حديث عن النبي ثم يرجع بعد دقيقتين ويقول الحديث نفسه ثم يخرج ثم يجي واحد ثاني ويقول لاتنسون صلاة الضحى ثم يطلع واحد من اللي في القاعه ويقول ياجماعه ترى هالقاعه ماهي مخصصه لكم اذهبوا الى قاعتكم فيلتفت عليه كذا شخص ويقولون له سود الله وجهك شكلك من شياطين الانس ماتحب ذكر الله يافاسق ياليبرالي يامنحط ثم يلتفتون على المتطفل اللي جاي من برى ويقولون له كمل حفظك الله والله اننا في غفله وفي حاجه لمثل هذا الكلام الطيب مع الوقت الزوار اللي قي القاعه بدأ عددهم في تناقص وكل ماجاء ضيف وشاف احد هالاخوه اللي يدعون الى ذكر الله والاستغفار طلع لظنه بأنه هاذي القاعه ليست القاعه المعنيه وتمر السنين والاخوه حقين القاعه الدينيه متكين في القاعه الثقافيه ويلقون نصائحهم المكرره بشكل يومي مستمر من دون خجل ولااستحياء ولا ادب ومع تطفلهم وسذاجتهم مواضيعهم لاتتغير اطلاقا بل يعيدونها كل يوم لسبب لا أحد يعلمه طبعاً اكيد انكم عرفتوهم |
| الساعة الآن 02:45 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir