صاحب هذا الرقم بنقالي نصاب محترف 0556901957
 

اتصل علي صاحب هذا الرقم اول مارديت سلم ورديت السلام ولم يكلمني
بعدها اتصل علي ثاني مره
وبعد ما رديت عليه
على طول قال
الف الف مبروك انت فيه فوز 200 الف ريال
في شركة stc من الاتصالات من سوا الف مبروك انت قول الحمد لله
انا على طول عرفت انه نصاب ههههه بس قلت خلني اسوي نفسي عبيط اشوف وش يبي
قلت ما شاء الله 200 الف
قال ايوه 200 الف ريال انت قول الحمد لله قلت الحمد لله
قال انتظر خمسه دقيقة انا كلم مدير ثم انا كلم قلت يالله بس لا تتاخر هههه
طبعا هو تاخر علي جلس اكثر من عشر دقائق يبي يشوف انا اتصل عليه
اذا اتصلت معناه اني مصدق واني ابي الجائزة
سويت نفسي عبيط واني ابي الجائزة
اتصلت عليه وقلت ابي الجائزة كيف استلمها
قال اول شي انت سجل رقم اعطاني رقم مكون من سبعة ارقام وقال انت سكر جوال
بعدين طلع شريحة جوال وشوف رقم هذا هو سيم سيم رقم شريحة
سويت مثل ما طلب ويوم شفت رقم الشريحة لقيته صدق مثل الرقم الي اعطاني اياه
كل هذا يبي يوهم الناس انه صدق موظف في الاتصالات
المهم اتصلت عليه وقالي الرقم مزبوط قلت مزبوط قلته طيب كيف استلم الجائزة
قال شوية انت كلم بعد خمسة دقيقة وانا اكلم المدير علشان المعلومات
قلت طيب
بعدها اتصل علي وقال ان شاء الله الشيك بيكون في الراجحي انا باعطيك رقم شيك ورقم فاكس انت روح الراجحي يلاقي كله مبلغ موجود هناك
قلت طيب عطني الارقام
قال انت اول شي اعطيني رقم سجل مدني
الحين عرفت ان كل هذا يبي مني رقم السجل المدني
قلت طيب ما تبي معلومات ثانية غير السجل المدني
قال بس رقم سجل مدني
بعدين قلت انت الحين تعرف انا من وين وش اسمي ومعلوماتي
كيف تبي ترسل الشيك وانت ما تعرف شي عني يانصاب
انت نصاب كبير
بعدين يوم شاف اني كشفت لعبته
قال خلاص انت ما فيه جائزة
وسكره في وجهي

وبعدين اتصلت عليه ولا رد علي
بعدين اذا اتصلت عليه يعطي جواله رسالة صوتيه كانك تماما تتصل على 902 هههههه
وتسمع وانت تكلمه كانه جالس في صالة زي صالة الاتصالات

كل هذا علشان يوقع بالضحية


انتبهوا ياخوان من هؤلاء النصابيين