الـعـز مـطـلـب والـمــراجــل تـوافيق
والـهــون بـــاب مالنـا فـيـه مدخالِ
مالي على بعض المواضيع تعليـق
واللي تشوف العين مايشرح البالِ
أصد عـن مـايـفـعـلـون الـمـخـالـيــق
لاكـــن مايـخـفـى عـلى الله مـثـقـالِ
وان شفـت بيبـان السعـاده مغاليـق
الصبر مفتاحـآ عـلـى كــــل الاقفالِ
وإذا لحقنـي مـن زمانـي مـلا حيـق
ازبـن علـى مـنـزل تـبـارك والانفالِ
'الفـقـر مـاعـاب الــرجــال المطاليق
كمـا يـعـيـب الـمـــال عــبـــادة المالِ
جيـل المصـالـح ينقـضـون المواثـيـق
والجيل الاول فرق عن كـل الاجيـالِ
عاشو علـى شـده وعاشو على ضيق
لاكـن صاروللشـيـم مـضـرب امـثـالِ
'الـجـود مايبـغـى دعـايـه وتسـويـق
الجود بالإفـعـال مـاهـو بـالآ قـــوالِ'
'الكنز ماهو بالذهـب في الصناديـق
الكـنـز معـرفـة الرجاجـيـل الابطالِ
لا والله الا دبر الوقت ياطير
ولا عاد اشوف لك على السيت خانه
ستة اشهور كلبوها مشاوير
ممل خاطر صاحبك وصبرانه
ادك تالي الليل والصبح واعصير
واسوق نفسي لجل شفك ارهانه
ياما قطعنا بك اطوال المشاوير
وياما توسدت الكفر في طمانه
ماردني برد وعجاج ومعاصير
ولا همني كار التجاره وشانه
خوتك عندي غير ومداعبك غير
في خايعٍ جول الحباري وزانه
لا لك معاذيرٍ ولا لي معاذير
عديد ومشنذر وعندك حصانه
ماملّعك خبلٍ يسوق التباشير
دايم وطيره مرخيٍ له عنانه
حافظك حفظ وصاية اكليب للزير
وادراك من ليل الشتاء وبردانه
ابغيك لا منه سمح راعي الجير
وقف ولا عاد اعتلى في مكانه
ترقى وكنك طالع لك على سير
مثل الولع لافر عقب ارميانه
تبرد اكبود اهل الوحوش المغاتير
اللي يحبون الصقاره عشانه
واليوم صيف ووقت دفع الفواتير
والكل مرخي للجزيره آذانه
مادام لادوجه ولا به مشاوير
ماعاد اشوفلك على السيت خانه
قيّض وبمر الله نشوفك على خير
لكمل اسهيل اليماني ثمانه
يمر القلب من دار وراء الخفجي طريق ودرب
وامرك يالطريق الي لك اقدامي مسخرها
واذا مريت مع ذاك الطريق الي يجي مع غرب
ذكرت احلا ليالينا من اولها لآخرها
ومريت الحشاء في الونه اللي ماجذبها طرق
ومريت العيون بعبرتن للدرب ذاخرها
وشفتك في خيالي بين طيات الدفأ والقرب
وناديتك فديتك خل ادينك لاتوخرها
عفى الله عن ضمان حصل الماء في الطريق وشرب
وعفى الله عن ليالي ماجهلنا في اواخرها
عقلنا والتطم حب المواجه يالعفيف الذرب
كما موج لطم في غبته واغرق بواخرها
وسقت الرجل صوبك ياحبيبي والليالي جرب
ولااهتميت في ناس تبي ترفع مناخرها
حبيبك ياحبيبي من سلالة هل الدروع وحرب
ولايعشق من اصناف الجواهر كود فاخرها
تفاخر يابعد من حط له بين الحنايا درب
تفاخر وافتخر واغلا القصايد فيك اسخرها
واذا مريت مع ذاك الطريق الي يجي من غرب
تذكر لذة الدنيا من أولها لأخرها
تستطيع المشاركة هنا والرد على الموضوع ومشاركة رأيك عبر حسابك في الفيس بوك
hgJuJ. lJ'JgJf ,hgJlJJvh[JJg jJ,htdr