منتديات شمس الحب - ღ غــرآم [ .. ـآلقلــب .. ] ღ

*.. غــرآم ـآلقلــب ..*

أنا يا من تظن أني أدور للغرام أسباب..*..

ترى في داخلي أخفي غرام القلب واسبابهـ

أبي أكشف لكـ أسبابي وابين لكـ مدى الإعجاب..*..

عسى قلبكـ يراعيني يبادل قلبي إعجابهـ

لقيتكـ دنيتي لكن عرفت إن الزمن غلاب..*..

وآنا يا خلي من شفتكـ ظروفي جات غلابهـ

شقا صارت حياتي لين شفت ان الفرح قد غاب..*..

ولا نور ليالينا كأني عايش بغابهـ

بعد ذاكـ الشقا جيتكـ أدور راحتي باتعاب..*..

عسى قلبي بعد يلقى بأيدكـ حد لاتعابهـ

تخيلتكـ مثل قطرهـ ألاقي غيثها سكاب..*..

تغير حالي وتسعى بلا تفكير سكابهـ

والاقي طيبتكـ بلسم يداوي جرح بي ما طاب..*..

تعبني حيل لكني صبرت وصرت أوطابهـ

[على نفس الطريق اللي] جمعنا جاب لي ما جاب..*..

وطيتهـ بس لعيونكـ أقاسي كل ما جابهـ

ومثل ما قالها شاعر طريقي لكـ غرام أحباب..*..

وقلبي يا هوى يوفي لاعز الناس واحبابهـ

غريبهـ لو تمنيتكـ بعالم سرمدي كذاب..*..

حوى كل الوجوهـ اللي غدت شرواهـ كذابهـ

بس الأغرب إذا كنت أمير وتحكم رقاب..*..

شعب ما كان يوطا لكـ يجيكـ مسلم رقابهـ

أصير الشعب أخضع لكـ واسلم راسي بترحاب..*..

واكون إنسان في حكمكـ تزايد فيهـ ترحابهـ

على شرط انكـ تكون عفيف(ن)عن سواة أذناب..*..

ترا في الناس معروفهـ تشين الشخص أذنابهـ

وكل من يفعل الزلهـ تفارق عنهم الأنساب..*..

يموت الشخص أو يخسر شرف وتموت أنسابهـ

إذا قاربت للزلهـ دعائي يحتويكـ تراب..*..

قبل لا يلحقكـ عاركـ يواري جسمكـ ترابهـ

مثل ما قاومت بنت شريفهـ بيوم جوع ذياب..*..

أبت واستشهدت من دون تشبع رغبة ذيابهـ

تخيلتكـ قبل ترحل غدينا لبعضنا أحباب..*..

ولكن من بها لعالم بيوفي اليوم لاحبابهـ

خيالي للأسف واسع تخيلتهـ بدون أسباب..*..

سوى اني بغيت أكشف غرام القلب واسبابهـ

ـآعــ ج ــبتنــي فنقلتهــآ ,,

ومتــمـ بــود ..,,

تــ ح ــيتــي //