منتديات شمس الحب - والله وصلنا من القهـر خـط الجنـون

الله يعين وكل شئ بقدرته جلا تهون
هـو ربنـا هـو خـالق الكـون الفسـيح

أما بعــد يأصحــابنا اللـي تفهمــــون
مافيـه في هالكـون شخصٍ مستريح

لكـن مــدري وش تــريدون وتبــون
بس أعذروني مايصـح الا الصحيـح

يـوم الـوطن ماهمنـي مهمـا يكـــون
لامغنيـــاً لأجـــله ولاكــاتب مديــــح

لكننـي شخصٍ وفـي مانــي بخـــون
بس الهمـوم اللي تعصـاني ماتتيــح

عجـزت لا أفـرح لاتذكـرت الديـــون
وهم العماره اللي واقفه يمكن تطيح

أنــام تحــت الهـــم وأقـــوم امغبـون
والهــم عيـــا لايـــروح ولا يـــــزيح

لاشفت بعض الناس حولي يرقصون
مسكت زاوية المكان وقمت أصيـــح

يوم الوطـن ماعـاد نبغا منـك لــــون
لاعـاد لاعطلــه ولاشــــئٍ مليــــــــح

والله وصلنا من القهـر خـط الجنـون
وصرنا نعاند بالــردا دون المديــــح