منتديات شمس الحب - تحذير من عمال المحطات

السلام عليكم ورحمة الله وبركاته

الحذر يا اخوان من عمال المحطات لأن هناك غش وسرقة واحتمال تكون انت احد ضحاياهم .

النقطة الأولى : الحذر من المحطات الي توزع مناديل ومياه صحة لأني اعرف واحد بنقالي ابن حلال (مو مثل بقية جنسه) حذرني منهم وانهم يغشون في البنزين .

لأنك لما تروح تعبي البنزين الأحمر يخلطون بنزين 91 مع 95 ويفرحونك بالمناديل رديئة الجودة والمسببه للحساسية على حساب ماكينة سيارتك لو كانت جديدة .

فلو كنت ما تهتم لماكينة سيارتك وتفرح بشوية المناديل الي يعطونك هي فعلى راحتك :hawamer4112

النقطة الثانية : سبق وان قريت تحذير في احدى المنتديات من حركة يسوونها عمال المحطات وماكنت مقتنع بصدقها بصراحة , لكن تأكدت منها امس .

رحت محطة وقلت للعامل فل وطلع المبلغ الي علي 28 ريال عطيته 500 المفروض يرجع لي 472 ريال , المهم بطريقة خبيثه وكلها لؤم منه , خصم 50 ريال في محاولة منه لإستغفالي وظناً منه بأني ماراح انتبه لها , بصراحة محد شجعهم على الحركة الوسخة هذي الا الناس المستعجلين والي ما يعدون الباقي , بالإضافة الى الخمسين ريال الي كان راح يلهطها خصم بطريقة ذكية وجهنمية 1 ريال يتيم عشان يبعد شك السرقة عنه !! ياللذكاء! :hawamer4112

قلت : صديق ايش انت سوي حركات ؟ :hawamer1912

طبعا الرجال ارتبك وبان الخوف على وجهة

وبحكم اني كنت مستعجل ومالي في المشاكل مشيت من دون ما اكبرها

بعد مامشيت تمنيت اني خوفته اكثر بإيهامه اني سأبلغ الشرطة في وقتها

والحمدلله جت سليمة .

وهذا تحذيري لكم عشان تنتبهون على قريشاتكم