منتديات شمس الحب - الله يستر من غضبة سوليدرتي

سمعنا لتوصيات الكثير القلة منهم ناصح
والكثرة مغررين وأطعنا ...
ندخل ما ندخل
شختك بختك
خل نشوف هالناصح نستشيره
يا ألاخو سعر السهم الآن 37.10 وشرايك؟
رد بقوة واستصغار لسؤالي:
أنت تسأل طب ولا تستشير
السهم حده القريب 48 ولو بتصبر 100
هاه يا نفسي وشرايك المال عديل الروح
إلا وتداعبني بنزواتها وتكبر المربح برأسي
ويزيد الطمع في هالنفس ... ابن ادم ضعيف.
وابيع الاسهم الخسرانه وأطب طبة عدوكم
منها اعوض خسارة الاسهم المبيوعة
ومنها أحقق الحلم واشتري بالمربح جيب لكزس
ويا فرحة ما تمت
والله ما مر عشر دقائق إلا والسهم يعانق
الخمس وثلاثين وكسور ..
بغيناك يا معين تعين صرت يا معين تستعين
وتجمعت خسائر الاسهم المباعة
وزود عليها دبلها
وش هالحظ الأمحق
كل ما دقيت بأرض وتد
من رداة الحظ وافتني حصاة

الله المستعان