اهداء لجميع الاعضاء
 

يـا زمانـي كــل مــا خـلـت مـرزمـة الغـيـوم

اسـتـخـالــت وابــعـــدت والـعــيــون تــلــدهــا

والـرجـا مــن جـايـر الـيـاس عـيـا لا يـقـوم

وضـيـق صــدور الـهـقـاوي وبـيــح سـدهــا

قال لي لا تتعب النفس والوضع محسوم

لا تــعــنـــئ والــمــقــاديــر مــــحــــدٍ ردهــــــــا

قلـت لـه لا تنـدب الحـظ وتشـيـل الهـمـوم

وكـل حـاجـة بالـزمـن فـيـه حـاجـة ضـدهـا

الـتـحـلــي بـالـصـبــر والـمـثـابــر والــعـــزوم

يـوصــل الـنـفـس لـمـنـاهـا وغــايــة ودهــــا

والـتـجــارب مــدرســة والـتـعـلـم كــــل يــــوم

والــدروس تـشـيـب الـــروس يـــوم نـعـدهـا

والحياة بحور يغـرق بهـا اللـي مـا يعـوم

كــل نـــوب يصـطـفـق جـزرهــا مـــع مـدهــا

والمراجل صرح يبنـى علـى طيـب السلـوم

والـغـبـي الــلــي لــيــا مــــن بـنـاهــا هــدهــا

وللـظـروف سـيـاسـةٍ بـالـدفـاع وبالـهـجـوم

مـــــرةٍ نــغـــزي عـلـيـهــا ونـــــوب نــصــدهــا

وبيـن لافـوح المشاتـي ولا هـوب السمـوم

نسـبـر لـشـرد الـفـرص والـحـظـوظ نـهـدهـا

والسباع تصوم لو كـان مـا تنـوي تصـوم

الـــزمـــان يــحــدهــا والــحــمـــى مـحــتــدهــا

مـا بقـى الا تسـهـر اللـيـل كـلـه مــا تـنـوم

وتقـنـب بـعـال الـجـبـل والـسـنـون تـحـدهـا

وكـل سبـعٍ صـار فـي تالـي ايـامـه خــدوم

لـو جمـع بيـن القـسـاوة الشجـاعـه والـدهـا