طالب صيني جابها صح
 

هذي الرسومات صممها طالب صيني درس وعاش في أمريكا، لكن الصراحة جابها صح
طبعا اللي بالأحمر هم الشرقيين (العرب و الاسيويين وتدخل معاهم حتى افريقيا) واللي بالأزرق هم الغرب (اوروبا وامريكا)

1- كيف تقول رأيك
الشرقيين يلفون ويدورون اما الغرب يعطونك اياها في مباشرة

http://images.abunawaf.com/2007/11/14/sg15.jpg



2- طريقة الحياة
المجتمع الشرقي اجتماعي اما الغرب يعيشون منفصلين

http://images.abunawaf.com/2007/11/14/sg11.jpg



3- المواعيد
الشرقيين اما انه يجي قبل الدوام بساعة (ياباني) والا ساحب ساعتين لأنه راحت عليه نومه (سعودي) أما الغربيين يجونك على وقت الدوام بالضبط
طبعا قيسها على باقي المواعيد اليومية من عزايم وغيرها
http://images.abunawaf.com/2007/11/14/sg8.jpg

4- التواصل
المجتمع الشرقي افراده متواصلين مع بعض وكل واحد يعرف الثاني اما الغرب فعلاقاتهم محدودة
http://images.abunawaf.com/2007/11/14/sg6.jpg

5- اظهار المشاعر تجاه الاخرين
بعض الناس في الشرق تشوفه يسلم عليك ويضحك وهو من داخل نفسه يقول ( وش جاب هالادمي في وجهي) اما في الغرب اذا كان الواحد ماله خلقك يعطيك اياها مباشرة في وجهك
http://images.abunawaf.com/2007/11/14/sg9.jpg

6- التنظيم
لا تعليق
http://images.abunawaf.com/2007/11/14/sg12.jpg

7- الشوارع في أيام الاجازات
الناس في الغرب وقت الاجازة يقعد في البيت ويريح راسه والا يطلع له رحله أما عندنا تعال شوف الهنود وغيرهم كلهم يطلعون الشارع خاصة يوم الجمعة....

http://images.abunawaf.com/2007/11/14/sg13.jpg

8- الحفلات (العزايم)
الشرقيين الله يسلمك يلتفون على صينية الاكل ويضربون بالخمسة اما الغرب فكل واحد تشوفه جاي الحفلة اللي معاه خويته وجالسين لحالهم واللي واقف لحاله كأنه ابليس،، المشكلة على اي اساس يسمونها (بارتي) مدام هم كل واحد لحاله

http://images.abunawaf.com/2007/11/14/sg7.jpg

9- السفر
الشرقيين يحبون يصورون الاماكن الحلوة في السفر اما الغرب يكفيه انه يطالعها وخلاص
http://images.abunawaf.com/2007/11/14/sg14.jpg

10- مواجهة المشاكل
ايضا لاتعليق
http://images.abunawaf.com/2007/11/14/sg10.jpg
11ثلاث وجبات في اليوم
الغرب فطور خفيف – غدا جامد – عشا خفيف
الشرق على طول جوعانين
http://images.abunawaf.com/2007/11/14/sg2.jpg

11- وسائل النقل
هذي زي ماقال نهاش فتى الجبل والصحاري والقفار: بالامس كنا في المقدمة واليوم في المؤخرة
وبكره ان شاء الله نطلع لقدام
http://images.abunawaf.com/2007/11/14/sg5.jpg

12- الشعور اثناء تغير الجو
الشرقيين ماتفرق عندهم مطر والا شمس أما الغرب يحبون الشمس على ايش ماادري
http://images.abunawaf.com/2007/11/14/sg1.jpg
14- الرئيس في العمل
عندنا الرئيس شي كبير حتى لو كان ماعنده سالفة، اما هم الرئيس عندهم واحد زيهم الفرق انه عنده بعض الصلاحيات ولازم (ما يتعداها)
http://images.abunawaf.com/2007/11/14/sg4.jpg
15- الطفل
الطفل في الشرق محاط برعاية العائلة كاملة من أكبر جد الى اصغر أخ
اما عندهم حده ابوه وامه هذا اذا ما رموه في ملجأ
http://images.abunawaf.com/2007/11/14/sg3.jpg

من البريد

الله يعطيك العافيه
سلمت اناملك

روعه

وعن جد كل كلمه والله احسها بمكانها

وطبعا لازم لكل قاعده شذوذ

مو بالضروره كل الشرقيين ينطبق عليهم الكلام

ولا كل الغربيين

اشكرك على الموضوع الرهيب

موضوع رائع ياأم لينا مشكورة