|
انا وش سويت؟؟ هزيت راسي ومشيت -------------------------------------------------------------------------------- السلام عليكم ورحمه الله وبركاته بسم الله الرحمن الرحيم ..... .... دخلت لأحد مقاهي الإنترنت وجلست على أحد الأجهزة كان بجانبي شاب صغير لم يبلغ الخامسة عشر من عمره ولا يوجد معه شخص كبير من أهله،، كان يدخل على مواقع عدّة لم أعره انتباهي ولكن وبمحض الصدفة.. إلتفت اليه فإذا به مبحر في الصفحات الإباحية \\\ أنا وش سويت؟ هزيت راسي ومشيت؟ ******* أذن المؤذن لصلاة المغرب خرجت للذهاب الى المسجد وفي الطريق اذا بسيارة موديل حديث للغاية يستقلها اربعة شباب في عمر الزهور المؤذن يقول حي على الصلاة... وسيارة الشباب بأعلى صوت المسجل أنا ماني على خبرك تراني تغيرت \\\ أنا وش سويت؟ هزيت راسي ومشيت؟ ******* وقفت عند احد الاشارات.. كان هناك رجل من الجنسية الاسيوية يوزع ورقة اعلانات على السيارات أعطاني ورقة وذهب للذين خلفي ناظرت له بالمرايه فإذا بهم يأخذون عليه الأوراق بقوة لدرجة انهم مدوا ايديهم عليه ثم رموها في وجهه وتناثرت وملأت الأرض وهم يقهقهون فرحين بما عملوا \\\ أنا وش سويت؟ هزيت راسي ومشيت؟ ******* سائق يقود سيارة ومعه امرأة لوحدها.. الزجاج الذي من جهتها مفتوح تستقبل بكل صدر رحب الأوراق التي تأتيها من كل جهة معلنة ارقام ذئاب جديدة تنظر لهذا وتغمزه بعينها.. وهذا.. تؤشر له بيدها \\\ أنا وش سويت؟ هزيت راسي ومشيت؟ ******* كنت انا وصاحبي الذي قال لن يسمح لأحد من أهله بارتداء العباءة المخصرة ذهبت للسوق لشراء بعض الأغراض فإذا بي افاجأ بصديقي نفسه بجانبه فتاة مرتدية عباءة مخصرة. استحى عندما رآني وخجل أنزل عينه بالأرض \\\ أنا وش سويت؟ هزيت راسي ومشيت؟ ******* دخلت احد المطاعم للإفطار فيه الساعة التاسعة والنصف صباحا دخل ثلاثة شباب في المرحلة المتوسطة وشنطهم المدرسية معهم طلبوا فطورهم.. وكل واحد طلع الخمس ريالات اللي عطاه ابوه بعد الفطور أخرج احدهم بكت الدخان واهدى اصدقاءه سيجارة لكل واحد أشعلوها ودخنوا \\\ أنا وش سويت؟ هزيت راسي ومشيت؟ ******* رن جوالي فاذا به رقم غريب رددت عليه فاذا به صوت امرأه.. سألتْ: جوال فهد؟ فقلت: لا.. اغلقت وبعد قليل إذا بنفس الرقم مرسل رسالة حب دقائق اذا به يرن.. وتكرر الأمر ثلاث مرات متتالية.. واخر مرة تقول لي: افهمها ياغبي \\\ أنا وش سويت؟ هزيت راسي ومشيت؟ ******* رجل مسن كبير بالعمر وابنه معه في السوق عمره في السابعة عشر او الثامنة عشر اشتروا اغراضهم الضرورية وعند الخروج يخرج الشاب وهو يكلم بجواله ووالده يحمل الأكياس المليئة بالأغراض وهو يسير أمام والده \\\ أنا وش سويت؟ هزيت راسي ومشيت؟ ******* لو مررتم بنفس التجربة والحدث ماذا أنتم فاعلون؟ هل تقول.. أنا هزيت رأسي ومشيت؟ أم تكون آمراً بالمعروف ناهياً عن المنكر عملا بقوله صلى الله عليه وسلم: من رأى منكم منكرا فليغيره بيده ،، فإن لم يستطع فبلسانه،،فإن لم يستطع فبقلبه وذلك أضعف الإيمان لأن الساكت عن المنكر كفاعله جعلنا الله وإياكم من الآمرين بالمعروف الناهين عن المنكر |
[align=center]هذا ما يجب الوصول له وهو الامر بالمعروف والامر بالمنكر,, وللأسف أصبح من يأمر بالمعروف او ينهى عن المنكر يلقى السباب والشتائم,, أقلها ((أنت وش دخلك)),, لذلك اصبح الكثير من الناس يقول ((اشتري دماغك))في إشارة لعدم تدخله مما يسبب له وجع راس, بنت مشاغبة سلمت على الموضوع المتميز,,[/align] |
يجزيك خير على الرد بس لو كل واحد خاف من انه ينصح عاد مصيبه ا((((لساكت عن الحق شيطان اخرس))) |
صح مثل مااقااال اخوي صاالح استوى الي يامر بالمعرووف يسبوونه ويقوولن له شخصك فالوااحد استوى يشووف الشي الغلط ويسكت يسلمووووووو بنوووته على الموضووع ربي يعاافيج |
الله يسلم قلبك على المرور والرد الحلو فديتك |
| الساعة الآن 08:20 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir