نصائح للطلب من امازون (بعد تواجد امازون السعودية)
 

السلام عليكم،

كثرة المواضيع والشكاوي بخصوص الاسعار المرتفعة في امازون السعودية مقارنة مع امازون الامريكي او البريطاني، صراحة قرأت الكثير ومعظمهم كانت غير صحيحة لعدم اتضاح بعد الامورة المهمة للبعض

اولا انا لست موظف في امازون ولا لي اي علاقة فيهم غير اني اعشق الشراء منهم من سنين وممكن اقول لكم اني شهريا عندي طلبيات للبيت، يعني اقضي منهم للاهل والاصدقاء (مو تجارة بس هواية :56:)

لازم نعرف أساس امازون السعودية بالاول! هي سوق طبعا! سوق كان موقع ومنصة يجتمع فيه البائين ويمارسون فيه تجارتهم بالاضافة لان سوق كان يوفر منتجات منهم (نفس فكرة امازون تقريبا). جت شركة امازون واشترت سوق وبدأت في تحويله الى امازون.

الان بعد التحول، بقي كثير من البائعين من عهد سوق يمارسون تجارتهم بالاضافة بدأت امازون تتيح بعض المنتجات من قبلهم (مع الوقت تزداد). ايضا اتاحت افضل طريقة للتسوق بنظري وهي امكانية طلب سلعة من امازون الامريكي عن طريق امازون السعودية.

نيجي الحين للمشكلة، الكثير صار يقارن بين اسعار السلع في امازون الامريكي اللي هي اصلا تباع عن طريق امازون الامريكي (sold by amazon) وبين السلع في الامازون السعودي، الكثير منها تباع من قبل بائعين وليس امازون نفسهم وللاسف الكثير من البائعين اسعارهم مرتفعه جدا! اللبس هذا جعل الكثير يحكم على امازون السعودي انه اسعاره غالية.

الخطوات الافضل بالترتيب للبحث عن سلعة بسعر مناسب:

1. ابحث عن السلعة في امازون السعودية ويفضل بالبداية تختار (تشحن من أمازون) او (Fulfilled by Amazon)، اذا حصلت السلعة شيك يكون مكتوب عليها (يُشحن ويُباع من Amazon.sa) او (Ships from and sold by Amazon.sa) كما في الصورة اسفل. تقريبا هذا بكون اقل سعر ممكن تحصل عليه بس في الوقت الحالي السلع مو كثيرة مثل امريكا لكن اشوفها تزداد مع الوقت.
اذا ما حصلتها، احفظ اقل سعر متوفر لها في امازون السعودية من قبل البائعين، وقارنها بعد الخطوات التالية.
https://i.imgur.com/Rkke99i.png


2. اعيد البحث في امازون السعودي لكن هذي المرة في خيارات البحث اختار (متجر أمازون العالمي) او (Amazon Global Store)، ركز على الشحنات اللي مكتوب عليها (يُشحن ويُباع من Amazon US) او (Ships from and sold by Amazon US) كما في الصورة اسفل، هذا اجمل خيار وهو انه السلعة متوفرة في امازون الامريكي وقابلة للشحن الدولي لكن عن طريق الامازون السعودي، الخيار هذا ارخص من انك تشتريها دايركت من امازون الامريكي وانا مجرب كثير وما شفت العكس، حتى انه خلال اليومين الماضيين طلبت طلبيتين واعطوني شحن دولي من امريكا مجاني! عادتا يستخدموا ارامكس ومؤخرا ناقل فهو اقل سرعة من امازون امريكا اللي يستخدم DHL او UPS
https://i.imgur.com/VUOrGSK.png


3. افتح امازون امريكا ومن اعلى الصفحة فيه خيار الشحن الى (Deliver to)، اختار عنوانك اذا انت سجلت الدخول او اختر السعودية، الخطوة هذي مهم بحيث تخلي لك نتائج البحث مقتصرة على السلع المتاحة شحنها دولي الى السعودية، بالقرب من سعر المنتج حتلاقي مكتوب سعر الشحن، عادتا يكون اكثر من الواقع فانت اضيف السلعة للسة وكمل الخطوات الين قبل الشراء حتلاقيها اقل. يفضل كمان تجمع اكثر من سلعة مع بعض لانه سعر الشحن حيزيد شوي وليس دبل.
تنبيه: بعض البائعين (وليس الكل) في امازون امريكا يوفرون شحن دولي عن طريقهم هم وليس عن طريق امازون ولاحظته غالي كثير وهذا سبب جعل الكثير يعتقد انه امازون امريكا رفع سعر الشحن للسعودية، لازم تتأكد انه السلعة مكتوب عليها (Ships from Amazon)
تنبيه 2: بعض المنتجات في امازون امريكا واللي بنفس الوقت متوفرة في امازون السعودية يعطيك عليها تنبيه انه متوفرة في السعودي مثل الصورة، تسهل عليك خطوة 2
https://i.imgur.com/wyNuLOq.png


اخيرا، الشراء اونلاين هواية جميلة وتتيح عدة خيارات، لكن هي فن وتحتاج انك تقرأ بتمعن وتقارن الاسعار وتشوف انسب واوفر وسيلة. ان شاء الله ما اكون طولت عليكم وهذا اختصار خبرتي المتواضعة في التعامل مع امازون.

تحياتي

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او
https://www.adslgate.com/upload/amaz...on-banner8.png