منتديات شمس الحب - شاعر يرثي والده بقصيده جميله>>>>>>>

الايـاوجـودي وجــد عـــودٍ يـعــد إخـطــاه
يـكـوده مقـامـه والنـظـر قــوس شبريـنـي
ولايـاوجـودي وجــد قــرمٍ شــروه إعــداه
مــن الـلــي يبـيـعـون الـدخـيـل بملايـيـنـي
ولايـاوجـودي وجــد طـفـلٍ بـــرد مـمـسـاه
فقـد مـن تضمـه لـي غـدا اللـيـل نصفيـنـي
ولايـاوجـودي وجــد مــن ضامـتـه دنـيــاه
مــن الـقـل شــاف الــذل ويعـوقـه الديـنـي
علـى الشايـب اللـي فاقـدٍ حكمـتـه ودعــاه
لـمـنّـي ذكـرتــه سـلـمـت دمـعــة العـيـنـي
أحـس إن قلبـي مـن فـراقـه تـجـث عــراه
وكـــم لـيـلـةٍ أجـلــس لـحـالـي يحـاكـيـنـي
زبون الضعيف اللي من الضيم جى ينصاه
وكـريــم اليـمـيـن ومـرفــد المستعيـنـيـنـي
بوجهـه سحـاب الغيـث ياتـي سبـوقٍ مــاه
وبصدقـه يسولـف راعـي الحـق والديـنـي
وبطيبـه يزيـل همـوم مـن ضافـه وشـاكـاه
وبعرفـه يخـلـص الأخصـمـاء بالبراهيـنـي
تــقــيٍ نــقــيٍ طــاهــرٍ مـايــمــل حــكـــاه
علـى الجـار ستـر وينطـح الضـد ويبيـنـي
صـبـورٍ جـســورٍ نـاصــرٍ ديـنــه ومـــولاه
خـشـوعٍ قـنـوعٍ يحـتـمـل ظـلــم الأدنـيـنـي
يعجـل قــرى ضيـفـه لـمـا بـهّـر المصـفـاه
تبرهاج وجهـه فـي قسـى الوقـت واللينـي
بـنـى بـيـت طـيـبٍ ثـابـت سـاسـه ومبـنـاه
عـلـى منـهـج الـلـي يحتـمـون المخلـيـنـي
علـى درب شيبـانـه مـشـى ثـابـتٍ ممـشـاه
ورحــل مـرضـيٍ ربــه وفـعـلـه يمضـيـنـي
تعلمـت منّـه بـإن دواء العـيّ قطـع رشــاه
وعلـمـنـي إن الـظـلـم قــبــر السـلاطـيـنـي
وتعلمت منّه بـإن غنـى النفـس عـز وجـاه
وعلـمـنـي إن الـعــدل ســـاس القوانـيـنـي
وتعلمـت منّـه مــن يطـيـع الــردي آغــواه
وعـلـمـنـي إن الـكـبــر ســيــفٍ بـحـدّيـنـي
وتعلـمـت مـنّـه مـوقـفٍ حـالــفٍ مـاانـسـاه
لمـا واجهـه شـرهٍ مــن الـقـوم الأقصيـنـي
ثبـت مثـل ضلـع طويـق والشـره مـايـدراه
اذا قـال أخـو الأريـض تهـجـد الشياطيـنـي
لمـنّـي لفـيـت الـديـره الـلـي بـهــا ذكـــراه
تـزلـزل كـيـان الـصـبـر والـهــم طـاويـنـي
هـنـا مـرقــده وهـنــاك سـجــادة مـصــلاّه
وخـاتــم يمـيـنـه والـعـصـى وأم تاجـيـنـي
وجنبـيـتـه وثـيـابـه وغـتـرتــه وإمــضــاه
بخـتـمٍ علـيـه إسـمــه لـمــا فـــك حفّـيـنـي
محاليـل بيتـه فــي طـريـق السـفـر تـرثـاه
مـراد الطـروش اللـي مــن البـعـد لافيـنـي
لـمـا زل ثـلـث اللـيـل يجـهـر بـمـا يـقــراه
وضــؤه شعقـهـا تـجـذب الـلــي بعيـديـنـي
علـى جالهـا كـم شيـخ قــومٍ ثـنـى مـركـاه
مــن قــروم يـــام ونـادريــن القحاطـيـنـي
عـسـى جـنـة الـفـردوس منـزالـه ومـثـواه
مــعَ الأنـبـيـاء والأوصـيــاء والمصلـيـنـي