bom

?

السلام عليكم

بتكلم عن شغله مهمه و البعض منا يجهلها!! (( حصلت معي ))


اغلب الماركات العالمية لما يحطون ضمان دولي هم فاهمين و عارفين ان الضمان الدولي مفعوله كمفعول صيانة المنتج في بلد الشراء .


و حاليا نعيش عصر المعلوماتية ((الانترنت و سرعة نقل المعلومه و التواصل )) و بعض ربعنا وكلاء الماركات العالمية عندنا عايشيين العصر الحجري ومعتقدين اننا خزائن متنقله نشتري من لندن و يخرب عندنا تقطه ونشتري مره ثانية (( هذا مفهوم خاطئ طبعا )).


حصلت معي تجربه و بسردها ممكن تفيدكم


اواخر ???? شريت جنطة سفر ماركة سامسونايت من اوت ليت فيينا ((النمسا)) و سعرها كان اقل من سعرها فالكويت ضعفين تقريبا طلعت علي من اهناك ??? يورو ((الصرف و قتها الــ??? يورو تساوي ??-?? دينار )) يعني طلعت علي اقل من ??? دينار و فالكويت تنباع حوالي ??? دينار هذاك الوقت كانت جديده وتوها نازلة وفليكس و جباره و افضل جنطه للسفر و حجمها كبير و ووزنها خفيف وعليها ضمان مدى الحياه حسب ما فهمت من وكيل سامسونايت داخل الاوت ليت (( انا اخذتها من محل سامسونايت الاصلي مو وكيل))

نفس هذي بالضبط




وبعد استخدام ?-? سنوات خرب السحاب ((سوء استخدام مني))

راجعة الوكيل فالكويت بهبهاني قلتله هالجنطة كفاله دولية مدى الحياه فقالي اوكي وين فاتورتها قلتله مو عندي حاذفها قالي حتى لو معاك فاتورتها ترا ما نستقبلها حنا كفالتنا بس للي يشترون مننا قلتله كلام فاضي هذا طيب ابي اصلحها على حسابي لاني سئت استخدامه و الخطأ مني قالي مانصلح قلتله طيب و رجعت للبيت و ادري انهم ماعاملوني عدل


بعدها بسنه في بانكوك ((تايلند)) اتمشى في السوق و لقيت الوكيل الرسمي لسامسونايت و شرحتله قالي لا نصلحها لك و مجانا ومانحتاج فواتير لكن تاخذ عندنا وقت و كانت طيارتي قريبه للعودة و تركته و بعدها بسنه في لندن قالولي نفس كلام التايلندي ولا ضافو عليه بعد


قالولي حمد ان حطيتها عندنا بتاخذ اسبوع الي اسبوعين و ان ماتصلحت بنبدلها لك و لكن عندكم فالكويت بهبهاني مجبور يصلحا مجاناً او يطلبلك تبديل بجديدة حتى لو سوء استخدام منك وقلت انا رحتلها و رفض ما استقبلني قالتلي لا يبابا هذا الايميل مال خدمة دعم عملائنا الدوليين في بلجيكا قلتلها انا مضيع الفاتوره قالت لا يبابا عطني رقم السيريال للجنطه و عطيتها و قالتلي انت حمد ،،،،،،،، وفيزتك الي شريت فيها تنتهي في xxxx


من السيريال والشخص الي امامنا نعرف الي لنا و الي علينا

المهم عطني ايميلهم وثاني يوم رجعت الكويت و راسلتهم وردت علي وحده بعد الايميل بحوالي ?-? ساعات وقالتلي تم تحويل ايميلك للمدير الاقليمي في الهند ((صدمة توقعت في دبي )) وفعلا ثاني يوم رد علي ايميل من سامسونايت الهندي و قالي راجع بهبهاني واخذ معاك الجنطة و اطبع الايميل معاك وروحلهم.

رغم اني راجعت بهبهاني فالسابق قبل هالايميل مرتين مره فالورشة و مره فالتليفون و كلهم رفض


ورحت لبهبهاني وقلتله جايك ايميل باسمي من المدير الاقليمي ولما تحقق من الايميل استقبلني استقبال ماتوقعته (( الشاي و القهوه والعصير و الماي والاخلاق الكريمة و الكلام الحلو )) الله يهدينا وياهم !!!

قالي ابشر و حاضر و الي تبي ولالالا هذا حقك وحنا معاك بالي تبي وهذي قديمة اصلا نبي نبدلها لك فالجديده بس بكل اسف ياحمد الجديده اكبر اشوي انا ابي اكبر اذا في اصلا و الجديده اغلى و سعرها ??? دينار تقريبا بس لازم نراسل الشركة فيها عشان هم الي يدفعولك فاتورتها . وعليك تنتظر يومين و نتصل عليك و فعلا انتظرت و اتصلو علي و رحت لهم استلمتها جديده فالكرتون انا الي مفتح كراتينها عندهم و الموديل الجديد و الاغلا من مالتي و احلا ولله الحمد و المنه هذا من فضل ربي


فقلت للفلبيني لاتعتقد بقولك ياحليلك انت رجل طيب لا بقولك معاملتك سيئة جيتك قبل هالمره ورفضتوا حتى التصليح على حسابي و اتصلت عليكم و تحججون فالفاتوره ولاتصلحون و هذا الايميل من الشركة الام خلتك تسوي كل هذا طبعا تبريرات ماتودي و لا تجيب .


وطلعت منهم و عرفت ان الضمان الدولي له معنى حتى لو ساؤ استخدامه الوكلا عندنا راسل الشركة الام و تاخذ حقك ان كان لك حق علما اني انا الي سئت استخدامها لكن قالول عادي حتى مع سوء استخدامك المفروض السحاب مايخرب وبدلوها .


اتمنى ان هالاضافة تفيد اخواني الي شرو اي شي من برى من برى وما تم معاملتهم من زين الوكيل المحلي

و دمتم

هذا الموضوع منقول من :: موقع البوابة الرقمية :: يمكنك زيارته في اي وقت للاطلاع على مواضيعه
كما يمكنك زيارة اقسام مواقعنا مثل
التجارة الإلكترونية او أقسام الآيفون والآيباد والسيديا او قسم الأندرويد وأجهزة سامسونج الذكية او قسم الجيل الرابع للإتصال بالانترنت STC او أقسام PlayStation والترفيه او شاشات التلفزيون والمسرح المنزلي او أخبار شركات الإتصالات او الأخبار التقنية او

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

jkfdi , lug,li fow,w hglhv;hj hguhgldm 'vdrm qlhkih ],gdh