منتديات شمس الحب - قصتي مع الطـــــــــــــــــــوارئ .. الزعيـــــــم كــاد أن يمووت :(

السلام عليكم
صبحكم الله بالخير جميعاً كيفكم أن شاء الله انكم بخير وعافية

:hawamer1812

يالربع حصلت لي سالفة الله لايعيدهااا

كنت طالع للبر مع واحد وانا حاس اني ماني على بعضي :hawamer6112

قاعد ادوج في البر اقوم واجلس واروح واجي احس اني فيه شيء مضايقني او شيء بيصير يعني بالي كان مشغوول وصاحبنا هذاا يقول انت وش فيك تروح وترجع قاعد وراك طبخه والا شيء
وانا احس اني مغيب عن الدنيااا

صليت المغرب

قلت لخويي اقول قم مالي قعده هنا احس اني مانيب مرتاح ابد

قام يلزم علي خلنا نقعد وش ورااك ماعندك شيء ومن هالكلام

وياخذ مفتاح ويقعد يلف بالحكي علشان اتناسى

وانا احس بديت اغيب عن الدنياااا

وهو يسولف قلت له قم انا تعباان

قالي وش فيك قلت مدري تعبان خلنا نسري

ويشيل الاغراض وانا اقوله خلهاا بعدين وهو واحد فااضي يحب اشيائه :hawamer1612

يوم طلعت على الطرريق احس الدنيا ضاايقه بي كأني اسووق في جحر ضب الدنيا صااكه فيني

وخويي يسولف والله مادري وش يقوول
وكنت لابس جاكيت وافك الجاكيت وافك الازرار حقت الثوب

حسيت اني بموت :hawamer1612

الزعيم حيموت ياقدعان :hawamer1612

واوقف على يمين وليتكم تدرون كيف نزلت بالسيارة ،، بغيت اشيل الشبك واسمع خويي يصاايح بعيييييد انا مو حووله ابد

وانزل من السيااارة ويمسكني ويبي يركبني علشان يجي يسوق مكااني

ويركبني ويستلم الطاره :hawamer1612

وانا يالله يالله اتنفس حسيت روحي بتطلع

قاعد يناديني تسمعني تسمعني رديت عليه

تعرفون وش قال ؟

قال تششهد :hawamer1612

الله لايعوق بشر قال ذا بيموت :hawamer1712

" هذا حسب ماقالي بعدين"
ويمشي الرجل باقصى سرعه في السيارة ومشغل الفليشر ويقول العالم تسابقني تحسبني اتحداهم في السواقة وتحدحدني واللي يكبس علي :hawamer1612

شعب ماعنده ثقافه :hawamer5712

المهم

رجعت لي الحياه وقمت اتلفت قالي انسدح انسدح لاتقوم وانا احس اني بطير من مكااني حسيت حالي خفيييييف

قالي خلاص قربناا من الانسسانيه ان شاء الله خير

يوم وصلنا تفتيش الرياض رجع التعب ورجع النفس يضييييييق

صابر لي حول النص سااعه

يوم وصلنا الانسانيه قال مانستقبل الحاااااله

وبسم الله قالي عيووا

انا سمعته قالي انهم عيووا ضعفت
قلت بلاش تكافح يبو القدعان مووت :hawamer1612

والله ياجمااعه اني قاعد استغفر واتشهد والشيطان شاطر ذكرني بكل شيء سسويته يا الله

ومن الانسانيه الى مستشفى الجامعي مشوار مع طريق صلبووخ

المهم مالكم في القصيرة :hawamer1612

يوم وصلنا للمخرج حق المستشفى الجامعي كان مقفل من الزحمــه

:hawamer6112

وفوضى وحاله

المهم اني ماوصلت للطوارئ الا وانا ميت الا شووي

من هنا بدت الحفله

وصلنا للطوارئ مافي مواقف ولافي احد يستقبل

ينزل خويي ويدور جيب الكرسي اي شيء

اهم شيء الزعيم لايموت
:hawamer1612
ولالقينا كرسي :hawamer1612
ويجي وااحد اجودي الله يجزاه خير ويساعدني وينزلني واقعد اتمسك في السيارات لين دخلني الطوارئ

دخلت الطوارئ ساعدني على السرير

وانا وصلت حدي والممرضات يروحون ويجون قداامي وانا اتأوه من التعب خلاص وصل حدي

والممرضه ولاهمهاااااا

رايحه جايه رايحه جاايه

ابي اتكلم ماقدرت

والله يا اخوان يمكن حول الخمس دقايق قاعد منسدح

ولاحولي احد

جاات قالت لي حاادث سيارة ؟

وانا يالله اتكلم راحت وخلتني

هذا العجز وقلة الحيلة لا انا اقدر اتكلم ولا احد حاس

وخويي قاعد يضارب برى ليه مافيه كراسي :hawamer1612

رجعت اخذت الضغط
قالت زين مافيه شيء
جاء خويي قالت له دخله على الدكتور

طبعاً لقينا الكرسي المفقود :hawamer1612

وياخذني خويي ويبي يدخلني على الدكتور

جاء اللي على الكاونتر
قال معليش :hawamer1612
بالارقااام
:hawamer1612 :hawamer1612 :hawamer1612

ارقام ايش معي حاله طاارئة

قال زيه زي غييييييره
وبعدين مابيدنا شيء كل اللي نقدر نعطيه بخار فقط
وخويي اللي يناااافخ يقوله الرجال بيموووت

مُلاحظة : خويي الا يبي يموتني مادري ليه المهم ان الزعيم دايم محارب :hawamer1412 :hawamer1612

المهم قال هذا اللي عندنا
وانا اتنفس مع ثقب الابره

ويقوم يطلعني وعلى اقرب مستشفى في الدرعيه خاص

ويدخلني المستشفى اللي بالدرعيه

اول ماشافنا الدكتور المصري

فيه آيه فيه آيه :hawamer1612

طلعوه طللعووه ودوه لمستشفى تااني :hawamer1612

افاا بس تطردون الزعيم من هالمستشفى اللي اثنين في اثنين كأنه بوفيه مايبيع الا كبده

قال لخويي مافيش دكتور هناااا روح روح لمستشفى تاني :hawamer1612

الظاهر خايفين يموت الزعيم عندهم ويتسبب بكرسه :hawamer1612

المهم وينطلق بي للدايري الغربي

ويدخلني مستشفى خاص

اول مادخلنا
قال الدكتور كاش والا تآمين
:hawamer1612

ماحد مهتم بالزعيم
:hawamer1612

عالجني ياخي انا عندك حاله
كيف تسأل عن الفلووس

ويالله شيكوا على الزعيييم

وطلعت المفأجاه
قالووووا الضغط عندك مررررررررتفع جداااااااااااااااااااااااااااااااااااااااااااااااااااااااااا اا

قلت لا ضغطي كويس قالوا لا وهذا نتيجه الفحص

ويعطيهم خويي نتيجه الفحص حق طوارئ الجامعي حاطين قياس الضغط سليم مافيني شيء
واعطاني حبوب نفعت في وقتها

والان صاارت تعاودني هالنوباااات

الخُلاصه يا اخوان
اني كنت اقول دايم لو احد تعب في نص الطريق كيف يتم اسعافه
وسبحان الله حصلت لي

وتخيلوا يا اخوان على مسافة 180 كيلوو علشان توصل لمستشفى يستقبلك
والامر الاخر اول مرة اشوف مستشفى المخرج حقه اللي يوديك على المستشفى فيه اشااره
:hawamer1612
ياخي صلح لك مخرج خاص بالمستشفى :hawamer1612
يعني لازم الزعيم يعطيكم ملاحظاته يوجهكم :hawamer1712

ومن بعدها صارت تعاودني النوبااات والله يا اخوان اني ماعد صرت اروح المستشفى لاني عارف ماحولكم احد
صرت استغفر واتوضى على الاقل اموت وانا على خير

محدثكم الزعيــم :hawamer1712