منتديات شمس الحب - بنغالي راتبه الشهري 15 ألف ريال ؟؟؟

اليوم كان عندي مشكلة سباكة
رحت وجبت لي سباك وكان بنغالي
يملك موتور سيكل
ويشيل عدته معه
المهم أتفقت وياه يصلح لي مشكلتي بسعر 100 ريال

بعد ماخلص

شغله عال العال وممتاز
قلت باكسب في آجر وأفطره لأنه ملتحي ومتدين ويخاف الله وكل شي يسويه يبتدي بالبسمله ومؤدب

قمت أسولف وياه سوالف رفعت التكليف وياه

صرح لي وقال أنه يصفى شهريا على 15000 ريال راتب لأنه يعمل من الساعه 7 صباحا حتى 10 مساء

وجواله مايسكت أبد
يشتغل أي شغله
سباكه
كهرباء
تنظيف
عوازل
حديد
كشكول بصراحة وفني درجة أولى

الله يرزقه من واسع رزقه
عرق جبينه بصراحة

متى نرى السعوديين فنيين أو يملكون محلات للفنيين

بصراحة أخذتني الغيرة على أبناء جلدتي الله يوفقهم ويرزقهم