اتمنى من ادارة المنتدى تبعد عن النفاق والتطبيل
لانه اول ما تشوف كلمة امير تجيها ام الركب وكأني مكلم على الملك سلمان ولا الحكومة
ترا كلامي لهذا الامير العادي وهو مواطن بالاخير اللهم اللقب خلفه امير ويمثل نفسه
يعني لاحد يتحسس وتجيه ام الركب من المشرفين
وانت لو عايش الوضع اللي احنا فيه وحاس بشعورنا كان ما تجرأت تقفل الموضوع
واعيد واقول موضوعي نقاش ونقد اذا الملك بكبرة طالب بالنقد عليه
فما بالك في هذا ولا شي قدامه
وموضوعي يصب للشباب واللي عنده عيال مقبلين للاختبارات
اما يجي شايب لموضوعي ولا عنده شي ويجلس ينتقد الله لايهينه موضوعي يتعذرك لانه موب ناقصين نفاق
المهم موضوعي هو عن اختبارات القياس والتحصيلي وياما شباب وبنات
راحت احلامهم بسبب هذا الاختبار يتعب دراسة سنين 6 ابتدائي
و3 متوسط و3 ثانوي وبالاخير تحسب للجامعات تعبت السنين 30% او اقل
والباقي النسبه على اختبار قياس وتحصيلي يحدد مسقبلك في اختبار على الوقت التنازل تختبره وفي ضغط نفسي
واسئلتهم الغريبة والمعقدة والمتقاربه اجاباتها وهي حظ بالعادة
لاني اعرف واحد والله انه ما يداوم ايام الثانوي ومتعاطفين معه عشان ابو متوفي يعني يمكن طول السنه ما داوم الا 10 ايام
وجلس طول السنتين كذا ثاني ثانوي وثالث ثانوي وهو فاشل ودرباوي
والله انه مايدري وش المواد اللي بالفصل
المهم بالقياس جاب 80 وهو يقول ما اعرف شي
واللي مسوي فيها مصري ومذاكر يروح فيها وتتبخر احلامه
جلست عن نفسي اقول حسبنا الله ونعم الوكيل عن السنوات اللي راحت
وضيعتني في الاختبار
والان صاحب قياس يعود بقرارات جديدة وهو الامير فيصل بن عبدالله المشاري آل سعود
شكله ما كفاه الدخل اللي يدخله بالاختبارات القياس والتحصيلي
وغيرها من الاختبارات اللي يقدمه المركز
طلع علينا هاليومين بتصريح جديد وقال بنسوي اختبار للمتقدمين للزواج
وقال عنه مجاني لكن الطامه الكبرى ان قال مستقبلاً سوف يكون اللزامي عند عقد النكاح
يعني بكرا اذا بتخطب بكرا اهل البنت يقولون كم جبت بالاختبارات !!!
وفوق كذا تحصل الشيخ يقول الله يستر عليك ما اقدر اسجلك عقد زواجك !!!
يعني ناقصين عنوسة
دمر الشباب علمياً وراحت احلامهم
والان يحطم امال المتزوجين حسبي الله عليه
عطوه فلوس وفكونا منه
يعني ما لقى يشحذ الا من اللي يبي يتزوج وهو لاقيها يتزوج اساساً !!
بكرا نشوفه مع وزير الاسكان ويحط اختبارات للسكن
المواضيع المتشابهه 
الامير فيصل بن عبدالله المشاري آل سعود يضع اختبار اللزامي للزواج في عقد النكاح !!! 
العرض الشجري
