بالسابق وحالياً مازلت اردد ان بعض الاجانب فيهم خبث ضد السعوديين
وخاصه في الوظايف وتحديد الرواتب وتطفيشه ...الخ
لكن بعد فترة طويلة عرفت ان السعودي شريك مع الاجنبي اما تستر
ولا محاولة لمحاربة السعودي وخاصه من "الشيبان" اللي ماسكين هالمناصب
فيهم خبث ضد السعودي الشاب اللي توه متخرج تقوله موب ابن بلاده وهو يتعامل معه
قبل كم يوم في برنامج الثامنه جاب دواد الشريان طلاب عاطلين من الهندسه
وجاب واحد من صندوق الموارد البشريه والثاني بلحيته اللي كأنه مطوع وشيخ
وطلع الاخ ماسك منصبين واحد في ارامكو والثاني رئيس هيئه المهندسين
وكلهم جالسين يلفون ويدورون وعندنا دراسة وعندنا مادري ايش
وكل ماحجره داود الشريان ولا الشباب العاطلين جلس يصرف ويرمي الموضوع للثاني ويعمم لجهات اخرى
اما صاحب صندوق الموارد جالس زعلان يقول " انه في حول 400 من المهندسين مسجلين
بالسعودة يعنني ذا محاولة منه لتبرير عدد العاطلين
لكن رماه بوجهه الشريان قال وش تبي يموتون جوع مافي الا هالطريقة
وقال " اتصلتوا عليهم تواصلت معهم " .... الا اخونا في وضعيه الميت
الزبدة شي يقهر حلقه انتهت بدون حل ماغير توقعات وتمنيات وان كنت اتوقع على ورق فقط بدون عمل واضح
قبل ما اختم موضوعي احد العاطلين بالبرنامح وهو مهندس يقول بعد ما قدمت اوراقي
لكم شركة بالسعودية جاني اتصال من الرياض وقالوا تعال في مقابلة
وطلعت من ابها للرياض على حسابي بالاخير وبعد انتظار ساعات للمقابلة
قالوا " والله ماعندنا وظايف هندسة حالياً ...!!! .. وش رايك تصير معقب عندنا !!! "
هالمعقب افضل وظيفة لقطاع الخاص يرمون الخريجين السعوديين عليها
لو شهادتك ماجستير
بعضهم يقبل بحكم الحاجه ولا يجلس ياخذ من ابوه ريال
وبعضهم يرفض ويصر على اخد وظيفة تناسب مؤهلة
المصيبه اعرف ناس تخصص انجليزي بكالورويوس في استقبال
واخر بالكالورويس معقب والاخر موظف "سعودة" يعني له مكتب لكن لاشغل ولا مشغله
ما اقول الا حسبي الله على السعوديي اللي يقلل من الشاب المتخرج ولا يوظفه في مكانه المناسب واللي يحط مكانه اجنبي على حسابه السعودي المغلوب على امره
المواضيع المتشابهه 
ما فـي اخـبـث مـن الاجـنـبـي الا الـسـعـودي فـي قـبـول الـمـوظـف الـسعـودي .! 
العرض الشجري
