يوم بعد يوم منذ معرفتي لهذا المنتدى وبشكل عام بالحياة الاجتماعية
ان البعض منا يحسب ان عندما يطالب بحقوقه من تقصير مسؤولين
او جهات خاصه او مطالبه في حل مشاكل سكنيه او رواتب او تقصير في قطاعات عسكريه من شرطة لمرور
وعندما يوجه الموضوع للمسؤول او للملك وولي العهد وولي ولي العهد
هي بحد ذاتها مساس للدولة ومساس للحكم وانك وصلت خطوط حمرا
وقتها يبدا التكفير وبكل سهولة لدى البعض لمن يتحدث بهذة الامور
وخذلك اما تكون وقتها رافضي ولا ايراني مندس ولا فتنه ولا خارج عن القانون
هولاء فئه اللي ينفجرون عندما تتحدث بهذة الامور
والاسباب عديدة اما لاقينها فساد وبطرانين وهالحال المواطن من صالحهم
ولا لهم اهداف اخرى
اما الفئه الثانيه واللي تقول " اص اص " لا يسمعك " وش هالكلام " استح على نفسك "
عيب هالكلام " صاحي انت " مجنون " الجمس الاسود " يودونك وراه الشمس "
هالعينات مع الاسف هي اللي وصلت الحال الضعيف للمواطن وهم تأثروا من الفئه اللي ذكرتها بالفوق
وهو خوفهم اللي ذبحهم من كلمه الحق ولا عادي ان تقول هالكلام هذا كله
واحنا لسنا في دولة ديكتاتورية بل بلد اسلامي و الملك بكبره قالها بنفسه " انتقدوني "
فما بالك في اعضاء وقبلهم المشرفين تجيهم ام الركب اذا تحدثنا بهذة المواضيع وعلى طول قفل وحذف الموضوع وايقاف العضو
يعني مادري هم يخالفون كلام الملك ولا كيف افهم هالكلام منهم
ترا بكذا تعطون صورة سيئه ان كلام الملك غير صحيح
وتعطون نظرة للخارج اننا مثل ايران وكوريا الشماليه ان المواطن ماله صوت
وهذا يخالف كلام الملك !
الاسبوع اللي راح طلعت فضايح المسؤولين من بلديات وامانات في السعودية
من الشرقية والوسطى والجنوب بعد موجه هالامطار واللي تكسرت شوارع وغرقت سيارات
ومنها سيارتي اللي دافع فيها دم قلبي ويجي المشرف يتحسس اذا انتقدنا المسؤول
والوزارات المقصرة بعملها ويجي واحد منهم قبل فترة يقول ممنوع انتقداهم
اقول طيب عطنا القانون الدولة اللي تقول عنه عشان امشي بالنظام وقتها ما تشوف الا غباره
والله وبالله وتالله واقسم بالله العظيم انه لن يصلح حال الوطن دام في ناس يرضون بهذا الوضع
ويطبلون وينافقون قدام المسؤولين والملك
والله انه بيجي 2030 وبنوصل 2050 لا انكم شايفين لا سكن ولا رواتب تزيد ولا حل للفساد في بعض وزارات الدولة تطبيلكم سوف يواصل الفساد ويكون الحال اردى من كذا
سكتوا على ولد الوزير بعد هياط كم يوم رغم كانوا الاشراف يتسترون عنه هنا والان سكتوا عن فضايح اللي طلعت من بعد الامطار وسوف تسكتون اكثر دام انتم تدربون راسكم وتنافقون قدام الملك والمسؤولين
وانا اقول ليش البعض يحارب قناة mbc اثاري تطلع فضايح المسؤولين والمقصرين بالبلد عبر نشرات الاخبار والبرامج وبنفس الوقت ايضاً قناة روتانا واللي صاحبها الوليد بن طلال كم مرة طلع فيها ناقد ينتقد ضعف الرواتب وحتى الرؤية ولا خافوا مثل ما تخافون انتم وهي قناة صاحبها أمير لكن وش نقول اللي تعدوا على كذا من تطبيل ونفاق قدام المواطنين
حسبي الله لكل مطبل يهدف لأهدافه الخاصه على حساب مواطن والله يهدي كل ضعيف من قول كلمه الحق اللي يعتقدها انها ممنوعه ان يقولها وهي اصلاً عاديه
بحط تصويت تبين لكم كيف تفكير البعض هنا
من اللي ينافق او له مصالح خاصه ( فساد ) ويجي يدخل بذمتك ويكفرك بقوة واعتقد هالخيار سوف يضرب نسبة
والضعيف او المطبل البسيط اللي ماله كلمه بس يسلك بالوضع وانه مافي شي واهم شي الامن والامان
ولا اللي يعرف بالحال السيئ ولا هو راضي مثلي انا
اتمنى من المشرف اذا اصابته ام الركب اتحدى ان يوضح لي ويوضح للاعضاء
سبب نيتك في حذف الموضوع اول ما تشوفه
لاني اعرف والله انه ما عندة سبب فقط مبرمج كذا
ولا يقدر يجاوبك مثل ما وجهت هالسؤول للمشرف اللي قال لاتنتقدون الوزراة على حسب قانون " كيسه "
المواضيع المتشابهه 
## بعض المواطنين والمنافقين يحسسونك ان دولتنا دولة ديكتاتورية .!## 
العرض الشجري
