الشتاء في السعودية ما يشبه أي شتاء ثاني. له نكهة خاصة، وأجواء ننتظرها من سنة لسنة. من أول ما تبدأ درجة الحرارة تنزل، تتغيّر تفاصيل كثيرة في حياتنا اليومية، من اللبس، للأكل، للطلعات، وحتى طريقة الجلسات.البرد عندنا ما هو بس طقس، هو موسم له طابع اجتماعي وثقافي متجذّر في كل بيت سعودي، وكل منطقة لها طريقتها في عيشه، لكن الكل يتفق على شيء واحد: الشتاء عندنا جميل.
متى يبدأ الشتاء؟ وكيف تكون الأجواء؟
عادةً يبدأ الشتاء الحقيقي في السعودية من نهاية نوفمبر، ويشتد البرد في ديسمبر ويناير. وفي بعض المناطق الشمالية مثل تبوك وعرعر والجوف، ممكن توصل درجات الحرارة تحت الصفر، ويغطي الصقيع الأرض في الصباح.
أما في الرياض، والقصيم، وحائل، يكون البرد معتدل إلى قوي، يخليك تحرص على لبسك، وتبحث عن الراحة والدفا. وفي الجنوب مثل أبها والباحة والنماص، الشتاء يجمع بين البرد والمناظر الخضراء، وأجواء الضباب اللي تخلي المكان كأنه لوحة فنية.
اللبس الشتوي.. أكثر من مجرد دفا
من أهم طقوس الشتاء في السعودية، هو التغيير الكامل في اللبس. أول ما يدخل البرد، تلاحظ الناس تطلع ثيابها الشتوية، وتحرص على اختيار أقمشة شتوية ثقيلة تعطي راحة وتناسب الجو. مثل:
الصوف الناعم
القطن الثقيل
الكشمير الخفيف والفاخر
هذي الأقمشة تعطي إحساس بالدفا من أول لمسة، وتناسب جو الشتاء خصوصًا في الطلعات أو الدوام.
الشماغ الشتوي.. أناقة ما تنتهي
مع تغير الجو، كثير من الرجال يغيرون نوع الشماغ اللي يلبسونه. ويختارون شماغ شتوي يكون أثقل من الشماغ العادي، وغالبًا بخامة قطنية أكثر سماكة، تعطي دفا وتحافظ على ثبات الشماغ في الأجواء الباردة
الشماغ الشتوي صار اليوم مو بس لزوم الطقس، بل قطعة تكمّل أناقتك، خصوصًا في المناسبات أو الزيارات. يجي بألوان ونقشات تقليدية، لكنه يعطيك لمسة مودرن إذا عرفّت كيف تنسّقه مع الثوب أو الجاكيت.
كيف تختار شماغك المناسب للشتاء؟
إذا كنت من محبين الكلاسيك، الأحمر والأبيض خيار دائم ما يخيب.
تبي شي رسمي؟ الشماغ الأبيض السادة يضبط.
وإذا تحب التميز، جرب تصاميمنا الجديدة بخامات شتوية ناعمة وفخمة.
لا تنسى إن الشماغ ما هو بس لبس، هو انطباع، وهوية، وأناقة تظهر في أول نظرة.
الشال الكشميري.. الدفا الراقي
في السنوات الأخيرة، بدأ كثير من الرجال والنساء يضيفون لمظهرهم لمسة فخمة وعملية بنفس الوقت: الشال الكشميري
الكشمير معروف بخفّته وجودته ودفاه العالي. وهو خيار مثالي لأيام البرد القارس، سواء لبسته على الثوب أو العباية أو حتى مع جاكيت رسمي
الشال الكشميري ياتي بألوان هادية وغامقة أغلب الأحيان، مثل الرمادي، العنابي، الكحلي، والأسود. وكل لون يعطي طابع مختلف كما ياتي بالشكل المطرز يلفّ حول الرقبة أو الكتف ويعطيك إحساس بالدفا، وفي نفس الوقت، يرفع من مستوى أناقتك
أجواء الشتاء.. الطلعات والجمعات
الشتاء مو شتاء بدون كشته. كثير من الناس يخططون لطلعات برية، سواء في نفود أو جبال أو حتى أماكن قريبة من المدن. والجلسة حول النار، مع شبة الفحم، وتوزيع القهوة والتمر، تصير لحظة ما تنسى
اللبس له دور هنا. الناس تلبس شماغ شتوي وشال، وجاكيت مبطن، وتحس إنك داخل فيلم تراثي بلمسة عصرية. وهذي اللحظات بالذات، تخلي الشتاء واحد من أكثر المواسم اللي نحس فيها بالانتماء والحميمية.
الأسواق والمواسم.. حراك شتوي جميل
مع دخول الشتاء، تنتعش الأسواق بالموديلات الجديدة من الملابس الشتوية. تلقى المعارض والمحلات تتسابق في عرض تشكيلات من الأقمشة الشتوية، والشماغات الثقيلة، والشالات الفخمة، وكل القطع اللي تخليك تستقبل البرد وانت مرتاح ومميز.الجميل إن كثير من المنتجات اليوم تجمع بين الشكل العملي والتصميم الراقي. يعني تقدر تلبس قطعة ثقيلة للدفا، وفي نفس الوقت تبقى أنيق ومرتب، سواء كنت طالع دوام، ولا على جمعة أصدقاء، ولا طالع كشتة.
اللمسة الأخيرة.. شتاء السعودية ما له مثيل في النهاية، شتاء السعودية يظل موسم مميز، نعيش فيه أجمل اللحظات، ونجتمع فيه مع الناس اللي نحبهم. برده جميل، وجوه يساعد على الراحة النفسية، ولبسه يعطينا فرصة نعبر عن ذوقنا وشخصيتنا.سواء كنت تلبس شماغ شتوي فخم، أو تختار شال كشميري ناعم، أو تدور على أقمشة شتوية تناسبك، تأكد إن الشتاء فرصة تعيشها بكل تفاصيلها.
ولا تنسى: شتاءنا قصير، لكن الذكريات اللي نعيشها فيه تدوم.
المواضيع المتشابهه 
الشتاء في السعودية دفا الأجواء وأناقة التفاصيل 
العرض الشجري
