مبرووووك عليكم السوق مقدماً وان وقت الانطلاق
 

في البداية الحمد لله على كل حال

ماكان بودي كتابة أي موضوع مني عن إعفاء رئيس هيئة سوق المال وكنت أقول بيني وبين نفسي الحمدلله والله يريد الصالح لنا إن شاء الله

المهم لاحظت بعض الاعضاء وهم قله جداً يتشائمون من إقالته إلخ....

أقول وبالفم المليان ماذا قدم لنا الاستاذ/ عبدالرحمن
وهل هناك حال أسوأ من أن ينزل المؤشر من قرابة 12000 على ما أذكر إلى 4000

حالياً السوق بيئة خصبه جداً للاستثمار

يعلم الله أن لي قرابة الشهرين وأنا أبحث عن أرض شمال الرياض وكل الموجود بسعر جداً مرتفع وبشكل غير مقنع (أجل ارض سكنيه خلف طريق الامير سلمان لا مويه ولا كهرب ومساحة الارض بس 500م وسعرها حول 700 ألف)

وين حنا فيه

شمال الرياض داخل الاحياء المسكونه اسعار المتر من 2100 إلى 3100

ليش والمواطن اللي راتبه عشرة آلاف ريال لو يبي ياخذ قرض عقاري لمدة 15 سنة تدرون كم يعطونه

900 ألف ريال بس يعني يطلب الله يحلم يسكن

إذا المستثمر العقاري بعد ماراح يأجر بنسبة ربح 10% مثل أول

لابد من التصحيح
\

طيب وين بتروح الفلوس وين بتستثمر

أقولها وبالفم المليان الأسهم هو الملاذ الاستثماري حالياً

طيب السوق له فتره وهو حيري ديري يلف ويدور بمحله على قولة اخواننا العسكريين محلك راوح

وينظر المحفزات بس

والحين جاءت المحفزات مع بعضها البعض

محفز مؤشر ايجابي بانتهاء الازمه المالية العالمية
محفز الشركات السعودية
محفز استقرار المملكة بتعيينات نراها بإذن الله بأنها موفقه
محفز ارتفاع الاسواق العالمية وخصوصا الامريكية واختراقها للـ 14000 نقطة

والمحفز الأخير والمهم هو
إعفاء التويجري من منصبه



أسأل الله لكم التوفيق مع السوق

وغداً أنتم على موعد مع النسب بإذن الله