سددت المخالفه وتدبلت !!
 

السلام عليكم ورحمة الله وبركاته
القصه
ومافيها ان اخوي طلع بسيارتي وقطع الاشاره بتاريخ 21/1/1434
وسددت المخالفه 500 ريال عن طريق الاهلي اون لاين وزين اني سويت حفظ لرقم المرجعيه لابارك الله في البنك الاهلي
قبل شوي دخلت الاهلي اون لاين
ولقيت مكتوب مخالفه مروريه 900 ريال يعني اكيد 100 % مخالفه مدبله
انا علطول رحت لاخوي وهاوشته حسبته مورطني بمخالفة جديده
المهم
لقيت رقم المخالفه بالاهلي اون لاين وسويت نسخ و ودخلت موقع وزاره الداخليه وسويت لصق
طلع لي تاريخ المخالفه 21/1
يعني نفس المخالفه القديمه وبنفس الوقت :hawamer5712:hawamer5712
يعني اخوي مظلوم :hawamer5612
الله لايوفقهم
مع نزول الرواتب يبغون يســـرقوني مره ثانيه
ليش انا فاضي اصرف على الدوله !!
المشكله اني قبل شهرين لحظة تسديد المخالفه جتني رسالة من الاهلي اون لاين انه تم خصم 500 ريال مبلغ المخالفه
وبعدها بدقائق جتني رساله من المرور انه تم تسوية مخالفة بقيمة 500 ريال
يعني وضعي كان بالسليم

وش رايكم وش اسوي ومين اراجع
المرور ولا البنك الاهلي

وانا ياخوفي كل طرف يرمي الخطا على الثاني وبالاخير اضطر اسدد المخالفه:hawamer5712