منتديات شمس الحب - حالتي حالة ياليت استشارة صادقة بالله

السلام عليكم

يا اخوان انا امر بحالة كرب شديدة عسى ربي يفكها عني ولايوريكم مكروه ابدا

انا معلم عمري 30 وراتبي حوالي 9400 تقريبا اخذت قرض من حوالي سنه بحوالي 200 الف

وكان جزء من ذا القرض لشراء سيارة بمبلغ معقول مايتعدى ال 60 الف

المصيبة العظمى دخلت بباقي المبلغ بمشروع فاشل زايد غباء مستفحل مني

واليوم البنك ياخذ اكثر من 3000 ريال للقرض وقربت انهي اول سنة وباقي 4 سنوات
وكل سنة الفايدة تزيد وهمي يزيد معاها

ماتخيل كيف اعديها .... والحين جاي بزواج ومتوهق ومو عارف وش اسوي بالفعل

واوقات افكر فعلا اصرف نظر عن اي زواج ... والحمد لله اني عايش عند الوالد الله يخليه ومو محتاج مصاريف شي والا كان من جد مصيبة ..وفوق كل ذا محد يعرف مشكلتي

اللي باقي لي علي الحين حوالي 159 الف سداد مبكر او مبلغ تسوية

شرايكم عندي ممكن 90 الف من ارض ... هل احاول ادبر باقي المبلغ من اي مكان واسدد ؟؟؟؟

او اسوي طلب تخفيض للقرض ؟؟؟؟؟

والله العظيم احس ظهري انكسر من القرض وتوبه توبه توبه توبه اخذ قرض وعساني ماعاد اسوي اي شي بالحياة اذا كان في قرض من وراها ..

حتى لو ابي اشتري بيت لي مثلا شقه مثلا الحين محروم ماقدر .. يالله رحمتك احس عمري بيروح وانا ماسويت شي مفيد يارب رحمتك

تكفون ابي شوركم ماحصلت اللي ينصحني فعلا