نواف محمد الصخابرة

يا صاحبي خل العتب والمشاريه

كثر العتب لو زاد ما فيه مصلوح

تعتب علي والحال ما تلتفت فيه

وتغيب عن عيني بلا عذر مسموح

ما شفت قلبي منك يشكي خوافيه

عايش بصمت وطول الايام مجروح

وما شفت عيني طاري البعد تبكيه

تنثر دموع الحزن من صادق البوح

ليتك تحس بخافق(ن) ذاب راعيه

يردد الآهات مع كثرت النوح

يغليك من دون البشر وأنت جافيه

وتزيد شرهاتك من الروح لا الروح

عذبتني والصد مانيب قاويه

وسببتلي جرح(ن) معي وين ما أروح