يوم رحت ارجع حافظات الطعام لقيت اللي تسويه ساكنة بشبه قصر واللي نشتري منها ساكنين شقة
 

بسم الله الرحمن الرحيم

حبيت اسوي لاخوي الصغير المبتعث عزيمة غير عادية ، وكنت لقطت عند احدى الاشارات رقم مكتوب على سيارة فان مكتوب فوق الرقم ( ام فلان لصنع الطعام ) ، المهم طلبت من الحرمة تتصل عليها وطلبنا بعض الحافظات لعزيمة اخوي ، طلبناها حافظات محاشي وكبه وغيره من الشغل اللي ما نعرفه ، وجابهن سواقاها على الفان واخذ تأمين على حافظاتهم مع سعر الاكل اللي فيها واللي يتراوح بين 80 الى 120 .

المهم الزبدة اليوم الثاني نبيها ترسل سواقها ياخذ الحافظات ويرجع لنا التأمين ، قالت كل سواقينا مشغولين ، قلت انا اجيبهن وينكم فيه ، والله يا جماعة توقعت حي النسيم او النظيم الدخل المحدود منفوحة الحله ، تفاجأت انها بشمال الرياض ، ويوم وصلت ولا ذاك البيت الحجري الكبير اللي مساحته حول 900 م ونزلن شعالتها الاندنوسيات ياخذن اغراضهم ويعطني تأميني ، وكأني أمام شركة غير محدودة مهوب مجرد طباخة !!
ماشاء الله تبارك الله