لاتعذر باحتياجك كلـنـــ ناقــــص ـــــــا حنان \\روايه رومانسيه خياليه \\ روعه
 

لاتعذر باحتياجك كلـنـــ ناقــــص ـــــــا حنان \\روايه رومانسيه خياليه \\ في قمة الروعه \\

هاااي رواايه مررررررررره روعه ... وحبيتكم تقرونها ,,,

امممممم اذا شفت في تفاعل وعجبتكم راح اكملها ..!!



اعرفكم على الشخصيات
ابوتركي:عبدالله ام تركي :نوره
العيال :تركي 30 سنه متزوج بنت عمه اماني
طلال 23 سنه يدرس اخر سنه في الجامعه
ريناد20 سنه تدرس علم نفس مستوى ثاني
ريماس 19 بنت حبوبه رومنسيه تحب الشعرونفس الوقت فيها من خبال بنات عمها

ابونواف :عبدالعزيز ام نواف:الجوهره
عيالهم
نواف28 سنه ماعليه كلام عاقل مزيون وهو ويافيصل ربع مررره
اماني 24 متزوجه تركي بنت حبوبه
فارس 23 هاذا داهيه اهو ويا طلال اذااجتمعوا يدمرون بلد راعين مغازل وسفر طبعا نفس تخصص طلال بس ماينجحون الا بالرشاوي
يارا19 بنوته حلوه ودلوعه بس متواضعه

ابوفيصل:خالد ام فيصل:ساره
عيالهم
فيصل 28 سنه ماعليه كلام
هشام25 اقلهم جمال حبوب مره بس باااااااااااااااارد
سمر 23 متخرجه من الجامعه بنت مثقفه تحب تقرا كثير
ريما19 هاذي احلى شخصيه بنت خبله درجه اولى وجريئه تحب المزح والهبال

عارفه شكلي ازعجتكم بالشخصيات بس اذا قريتوها راح تحفضونها بسرعه اما الشخصيات الثانيه مع الاحداث راح تذكر

البدايه
(الجزء الاول)
في غرفة ياراكانت تحوس تدور عطرها الجديد اللي اخذته اختها بدون ماتدري
يارا:ياربيه منك يااماني مايمديني شاريه شي الا ماخذته مني
دق جوالها المنصل:ريومه
يارا :اهلين ريومه
ريما (بضيق):هلا والله
يارا:افا وش فيها الحلوه زعلانه
ريما:زهقانه بالمره
يارا:ليش وش دعوه وين سمر عنك
ريما:تعرفين سمر طول وقتها يانايمه ياتقرا
يارا:ولايهمك الحين ادبر لك طلعه على كيفك بس وين تبين
ريما:على راحتك بس المهم اطلع
يارا :اوكي ابتصل على البنات وارد عليك
ريما:اوكي
يارا تتصل على ريماس:اهلين ريماس
ريماس:هلا والله بيارا
يارا: قلبو بسالك عندك شي اليوم كلمت ريما وناوين يطلعون طلعه حلوه
ريماس:وناسه عندي امتحان بس ماعليك اذا رجعت واذا كان لي خلق ذاكرته ولا خليته يوم الجمعه
يارا:الحين انتي عايده سنه وماتوبين
ريماس:هههههههههههههه اخر همي دراستي
يارا:ههههههه طيب يالفالحه خبري ريناد عن الطلعه وانا راح امركم مع السايق الساعه 9 بالضبط وانت تاخرتم دقيقه راح امشي واخليكم
ريماس:هههههه وانتي اصلا تقدرين تروحين وتخلينا اصلا الطلعه ماتحلى الا معانا
يارا:هههههههه اموت على الثقه اوكي..........باي
ريماس:باي

بغرفة طلال وهو على النت(الشات):الله يلعنك من بنت لازم تذليني قبل لابوك لابو المذله
وهو جالس على الشات دق جواله المتصل فارس
فارس:الو
طلال:هلا وش تبي من شوي متصل ولاالشوق معذبك يعني
فارس : يلعن ام التفشيل هذا وانا خويك وبير فضايحك
طلال:ههههههه طيب وش عندك خلصني مشغول
فارس(بخبث):صيده جديده يالذيب
طلال:هههههههههه أي صيده وهي ذاله ام جابتني
فارس:هههه ياكثر بنات الرياض دور غيرها المهم انا بقولك اني طالع المملكه تعرف اليوم الخميس يومنا
طلال:أي والله من زمان عنهم اوكي صار
فارس اوكي امرك 10 حلو
طلال:حلو
فارس:يالله عاد ضف وجهك الحين
طلال:هههههههه رديتها لي مو مشكله مقبوله منك باي
فارس: باي

في بيت ابو نواف نزلت يارا من الدرج
ام نواف:هلا بدلوعة امها
يارا(باست راس امها):مساءالخير ياحلى motherفي الدنيا
ام نواف:تعالي وانا وامك تقهوي معي
يارا(بابتسامه):وانا يمه مانزلت الا علشانك
جلست يارامع امها ويتقهون ويسولفون دخل ابونواف ونواف جايين من المسجد
ابو نواف وولده:السلام عليكم
الكل:وعليكم السلام
يارا:هلا والله بتاج راسي
ابو نواف:هلا والله بدلوعة وشمعة البيت
يار بابتسامه:يبه ترا كبر راسي
نواف:افـــــــــــا يبه واحنا مالنا رب
ابو نواف:والله كلكم غاليين علي بس هاذي دلوعتي
نواف:بروح بس لامي تدلعني
ام نواف:ههههههه تعال وانا امك جنبي
جلس نواف جنب امه وهو يطلع لسانه بوجه يارا (يبي يقهرها)
يارا بزعل:بس اليوم مو كل اليوم
جلسو يضحكون عليهم
نزل فارسمن فوق وهو كاشخ وريحة عطره داخله قبله
يارا بتصفير:وااااااااااااااااو my brathr very butifel
فارس:تسلمين يالغلا بس هذا مو شي جديد
يارا بضحك:ياشين الثقه الزايده
فارس وهو يبوس راس امه وابوه وهو مستعجل
ام نواف:اجلس ياوليدي مانشوفك الا وانت تطلع ولا وانت داخل
ابو نواف:ايه وانا ابوك اجلس معانا
فارس باستعجال:مشغول مره خلوها مره ثانيه مع السلامه
نواف :وين رايح
فارس:ابد بمر على طلول وباروح انا وياه
نواف:اجل اليوم فاضي بروح معاكم
تورط فارس:أي ذكرت عندنا بحث وبروح المكتبه
نواف:خلاص مو لازم
اوكي انا طالعsee you..وطلع
يارا:يبه بطلب منك طلب
ابو نواف:امري وانا ابوك
يارا:مايامر عليك عدو بس بطلع انا وبنات عمي السوق بنشترينا كم غرض
ابونواف:روحي بس لاتتاخرين
نواف يتدخل:بس ياويلك ان تاخرتي
يارا:انشاءالله

بيت ابو تركي في غرفة ريماس
ريماس:يالله خلينا ننزل علشان نستاذن
ريناد:يالله خلينا ننزل بسرعه قبل ماتجي يارا وتحوسنا
نزلوا ريماس وريناد عند امهم في المطبخ
ريناد وريماس:السلام عليكم
ام تركي معصبه:وعليكم السلام
ريناد:افا وش فيها ام تركي واصله معاها
ام تركي:والله البقره(الخدامه)الي قدامي ماتدري وين الله حاطها
ريماس:هههههههههه ماعليك منها يالغاليه كم شهر وبتتسنع
ريناد بعربجيه:اتركيها معي اسبوعين اذا ماطلعتها حرمة بيت مااطلع ريناد بنت عبدالله
ريماس:الاقولي يومين ونلقاها في السفاره منحاشه منك
الكل يضحك
ريماس:يمه بطلب منك طلب ولاترديني
ام تركي:خير انشاءالله
ريماس:بنطلع انا وبنات عمي السوق
ام تركي:بس انا ابي السايق اليوم
ريناد:اخ ياليتنا نسوق بس
ام تركي:علشان مانشوفكم في البيت ابدا
ريماس:مانبي السايق اليوم بتمر علينا يارا
ام تركي:خلاص بس لاتتاخرون ابوكم راح يوصل ويبيكم كلكم موجودين في البيت
ريناد وريماس:انشاءالله
وهم يصعدون الدرج قابلوا طلال
ريناد:ول ول ول وش هالكشخه لايكون رايح تعرس اليوم
طلال:افا وانا اخوك اتزوج ولا اناديكم
ريماس:اشوا حسبالنا
طلال وهو مستجل :اوكي تامرون على شي
ريماس:لاسلامتك
طلال :يالله اجل باي
البنات:بااايات
في بيت ابو فيصل الي مسافر اهو وزوجته
نزلت ريما وسمر بعبياتهم مالقو الاهشام في الصاله
ريما:هاااااااي هشووم
هشام:هلا
ريما:هشوم بطلع مع بنات عمي السوق ومااتوقع هشوم الحبوب بيرفض ولا1في الميه
هشاام ببرود:روحوا بس لاتتاخرون وانا ماراح اوديكم ولااجيبكم والسايق مشغول مع فيصل
سمر:الله لايتكل الواحد عليك بنروح مع يارا
هشاااام:براحتكم
وجلسوا مع بعض عند التلفزيون وفجاءه رن جوال ريما المتصله>>يارا
يارا:الو
ريما:هلا والله بيارا هاه قريبه من عند البيت
يارا:ايه هذاني عند البيت اطلعوا
ريما:انشاءالله باي
هشام يستهبل:ماتبون محرم معاكم
سمر وريما:لا الله يعافيك خلك مع فيلمك ويالله باي
هشام:باي
بالمملكه كانوا البنات جالسين بالكافي وكانت ريما هي الوحيده الي فاتحه البلوتوث بمكان مو بعيد عنهم جالسين طلال وفارس وقز بهالبنات
فارس يسال طلال:يالحبيب وش قاعد تسوي
طلال:ابد والله قاعد ارقم بالبلوتوث
فارس:الله يرجك بس
وفجاءه يعلى صوت طلال:يلعن ابو هالنك ياناس
فارس:وجع انشاءالله فضحتنا
طلال:ياخي النك عجيب
فارس بخبث:تدري احسن شي سويته ان خليت هالمزايين يلفون علينا
طلال:اقول انطم وخلني في حالي
وفجاءه والبنات يضحكون يوشر جوال ريما برساله قبول من مدوخ البنات
ريما:احلى يالثقه خلينا نستلم نشوف وش عنده
في الجهه الثانيه طلال:ايووه حلو استلمت
فارس:شفيك استخفيت من هي الي استلمت
طلال:النك العجيب الي اقولك عنه استلم
فارس وهو يفتح بلوتوثه:طيب وش اسمها
طلال:اقووووووول ابعد عنها
في نفس الوقت فتحت ريما الرساله وكانت الرساله فيها مقطع من اغنية صدفه:
صدفه ومن بين كل الناس علقني
من يوم شفته وعيني جت في عينه
حسيت شي فعيونه حيل يجذبني
لما ابتسم بانت بوجهي تلاوينه
ريما:هههههههه ماشاءالله علي امداني علقته
ريناد:هههههههههههههه ياحبي له ريومه خفي به
ريما:اصبري خليني ادور في جهازي اغنيه حلوه
وفي نفس الوقت طلال يستنى المسج من عندها
طلال وهو مطلع عيونه قدام:ارسلت ارسلت
فارس:من الي ذابحتك
طلال:هاذي الي نكها (حببي ابيك في يومي وامسي)
فارس :احلى والله نكها رهيب اقول يالحبيب تبادل
طلال:هههههههه العب غيرها
وصلت الرساله لطلال فتحها وكانت اغنيه:
اوعدني عني ماتغيب
تبقى هنا جنبي قريب
محتاج انا مثلك حبيب
يفهم عيوني وضحكتي
طلال:خلاص قررت اتعرف عليها
فارس:أي هين
في هالوقت نزلزا البنات يتسوقون
فارس:الاخ مطول هنا
طلال:يعني شرايك وش نسوي
فارس:ياخي شوف هالمزاييين الي نازلين شرايك نلحقهم
طلال:وانا اقدر اقول لا يالله قوم
وقاموا الشباب يلحقونهم
في هالوقت كانوا يلحقون البنات
فارس:شفيهم شكلهم فالينها مادروا عنا:طلال:فروس استلمت القبول ياخي شكلها قريبه
فارس:شكلها وحده من الي قدامنا
ريما:ياحليله هالخبل ارسل لي رقمه
ريماس:يالله يابنات تخيلوا شكله رومنسي
سمر:والله ماتوقع وراهم رومنسيه
يارا:لا وبعد مسمي نفسه مدوخ البنات مسكين من لاعلب عليه ههههههههه
ريناد:هههههههههه ماخذ مقلب بنفسه
وطلال كان يسمع كلامهم
فجاءه تكلم بدون وعي:اثر الحلو قدامي وانا مادري انا مااكون لك امسك ويومك انا اكون لك كل حياتك
التفتوا البنات كلهم وبصوت واحد:طــــــــــــــــــــــــــــــــــــلال
طلال انصدم وتمنى الارض تنشق وتبلعه من الصدمه:من انتم
ريناد:هين اذا ماعلمت ايوي عليك وخليته يلعبoxعلى ظهرك ماكون ريناد
فارس كان متجمد في مكانه
يارا:اقول فروس توني ادري في السوق فيها مكتبه لاوبعد انت وخشمك رايح تسوي بحث هين يافارس
ريما:اقول ياولد العم اهديك اغنية مني لك وقامت تغني باستهزاء
صدفه ومن بين كل الناس علقني
وبعدها استحوا على وجيهم وماشفنا الا غبارهم
ركبو البنات السياره
يارا:وانا اقول كل هالكشخه والزين مو للمكتبه
ريماس بصوت خشت تقلد اخوها:افا وانا اخوكم اعرس ولا اناديكم
يارا:ههههههههههههههههههههههه
وريناد كانت ساكته وحزينه(قصة ريناد بعدين نعرفونها مع الاحداث)
كل واحد رجع بيته
الجزء الثاني

في بيت ابونواف دخلت يارا البيت وراحت الصاله الي جالسه فيها امها تكلم اماني
دخلت يارا الصاله:مساء الخير ماما
ام نواف:مساء النور حبيبتي انشاءالله انبسطتي في السوق
يارا في نفسها((وناسه شفت شي ماينشاف))أي يمه مرره وناسه
ام نواف:خذي اختك اماني كلميها
يارا:ياحبي لها
خذت من امها التلفون:هلا والله
اماني:هلا وغلا كيفك ياقلبي
يارا:تمام انتي كيفك وكيف تركي
اماني:تمام الله يسلمك وعندي لك بشاره حلوه
يارا بحماس:بشري لاتقولين انك..............
تقاطعها اماني:يالله من قدك بتصيرين خاله
يارا بانفعال:احلــــــــــــــــفي
اماني:والله من كم يوم جتني دوخه رحت المستشفى وخبروني
يارا:الف مبروك حبيبتي
اماني:الله يبارك فيك(ابتسمت لان شافت تركي داخل)اقول يارا اكلمك بعدين لان جاء تركي
يارا:اكيد جاك قيس ابن الملوح زين لحد الان ماسكرتيها في وجهي
اماني:حرام عليك يالله اقلبي وجهك
يارا:هههههههه مقبوله منك يالله باي
اماني:ههههههه باي
الحين تكلم عن شخصية اماني وتركي
كانوا يحبون بعض من يوهم صغار بشكل مو طبيعي حتى دائما اذا لعبو حريم هو يكون زوجها >>ياحليلهم هههههههه
متزوجين من سنه تقريبا ويعيشون اجمل ايام حياتهم
تركي يشتغل مع عمانه في شركتهم الخاصه وتركي يتميز بطوله واشباهه حاده
اما اماني فهي طويله وبيضاء وشعرها اسود طويل ومدرج وفيهاا نعومه تخبل تركي بنعومتها
تركي:مســــــــــاء الخير والاحساس والطيبه مساء مايليق الا باحبابه
اماني بدلع:مساء النور
تركي:هاه شخبار البيبي انشاءالله مو متعبك
اماني:شدعوه حبيبي بالعكس يسلم عليك
تركي:اجل خليني اسمع شلون يسلم علي.. وحط اذنه على بطن اماني
اماني بحياء:تروك حبيبي وخر عنه
تركي بخبث:لا ماسمعته زين بقرب زياده
اماني : تـــــــــــــــــروك
تركي:عيون تروك
اماني:ازعجت البيبي
تركي:فديت البيبي وامه الا قولي لي وشرايك في السكسوكه
اماني :تجنن عليك اصلا انت لو تحط أي شي يجنن عليك
تركي:ااااااااااااااااه الله يصبرك ياقلبي من هالكلام
ابتسمت اماني:اقول تروك
تركي :ياعيون تروك انتي قولي
اماني:اجهز لك العشاء
تركي:لاقلبو من اليوم مافي دخله للمطبخ
تركي وهو يسحب يد اماني وجلسها على السرير:عمري لاتتحركين راح اسوي العشاء وراجع لك
اماني:حبيبي مو تعبانه
تركي:اوكي تعالي معي المطبخ بس شرط تجلسين ماتتحركين
اماني:اوكي

في بيت ابو تركي... وصل من السفر واستقبلته نوره والبنات
ام تركي:منور البيت ابو تركي
ابوتركي:منور باهله
ريماس وهي تبوس راس ابوها:شخبار السفر يبه
ابو تركي:والله يابنيتي كلها شغل
نزلت ريناد من فوق وهي متفاجئه:هلا يبه متى وصلت وليش ماعلمتوني
باست راس ابوها:الحمدالله على السلامه
وهم جالسين يسولوفون دخل عليهم طلال
طلال راح باس راس ابوه:الحمدالله على السلامه يبه
ابو تركي:الله يسلمك وين طالع صار لي ساعه وانا جاي ماشفتك
طلال:رايح انا وفارس المكتبه نكمل البحث للجامعه
ريماس وهي تغمز له:انشاءالله خلص البحث
طلال:أي ابشرك وكان اشين بحث
ريناد:اقول طلول شكل البحث عامل عمايله
طلال وهو يرمي المخده عليها:اقول غيري الموضوع بس
ابو تركي:وانا ابوك شفيك على اختك
طلال:سلامت قلبك بس هالبنت سبحان الله دمها خفيف بزياده
الكل:هههههههههههههههههههه
من بكره العصر في شركة العائله
نواف دخل مكتب فيصل :صبح الخير
فيصل:صباح النور لاتقول نسيت الملفات الي وصيتك عليها
نواف:افا عليك هالاشياء ماتنسي
فيصل:فديتك والله والله انك سنايدي
نواف:اعجبك
فيصل:لاتشوف نفسك علينا
وجلسو يضحكون
فيصل:اقول يالحبيب استلم الاداره عني اليوم لاني برجع البيت
نواف:سلامات وش فيك
فيصل:ابد والله صداع خفيف برجع البيت ارتاح
نواف:سلامتك ماتشوف شر
فيصل وهو طالع :الشر مايجيك يالله سلام
نواف:ســــــــلام
في غرفةريما رفعت ريما جوالها تتصل على بنت عمها
ريناد:الو
ريما:هلا وغلا برنوده
ريناد:هلا فيك كيفك ريوم
ريما:تمام انتي
ريناد:ماشي الحال
ريما:اقول رنوده عندكم شي اليوم
ريناد:لاوالله فاضين ليش
ريما:تعرفين ابوي وامي مسافرين وهشام طالع مع اخوياه وفيصل مشغول في الشركه وانا وسمر طفشانين
ريناد:يعني وضحي المطلوب
ريما:هههههههههههه دفشه اعوذ بالله
ريناد:هههههههههههههه اعجبك
ريما:ابيك تنامين عندي انتي والبنات اليوم
ريناد:اوكي راح اشاور اهلي وارد عليك
ريما:اوكي وانا بعد بتصل على يارا واشوف يالله باي
ريناد باي
اتصلت ريما على يارا ويارا كانت معليه على صوت المسجل في غرفتها
يارا:الو
ريما:مساءالخير
يارا:مساءالنور
ريما:وجع وينك فيه وش هالازعاج لايكون عندك حفلة دي جي واحنا ماندري
يارا:هههههههههه وش دعوه عندي حفله ماعزمكم
ريما:طيب وش هالازعاج
يارا:شريت شريط راشد الماجد الجديد وقاعده اسمعه
ريما بانفعال:كـــــــــــذابه متى نزل ولاتعلمينا يالخاينه>>>من عشاق راشد الماجد

ايارا:هههههههههههه وجع كلتيني من يومين نازل بالاسواق
ريما:الله لايعقوني شاريته شاريته المههم عندك شي اليوم
يارا:أي بتجي اماني عندنا وابشرك بصير الخاله يارا
ريما:ياهو من قدك يالخاله يارا الف مبروك
يارا:الله يبارك فيك
ريما:هاه شخبار امونه مع الحمل
يارا:لاتوها تعرفين الشهور الاولى
ريما:الله يعينها بس بقولك عازمه بنات عمي عبدالله يمكن ينامون عندنا الليله تعالي معاهم
يارا:يالله وناسه بس اختي اماني بتجي عندنا اليوم وبتنام خليها مره ثانيه
ريما:اوكي شكل ريناد على الخط الثاني بسكر قبل لاتهون يالله باي
يارا:باي

انتظر ردودكم !!!! ~_*

~roz~
مشكـــــــــــــــــــــــــــــــــــــــــــــــــــــوره ............
انا من محبي قرأت القصص ، وصراحه بدايه موفقه وأتمنى انك تكملينها لأني احب أقراء متواصل.......
لك مني أجمل تحيه...........

الجزء الثاني



على الخط الثاني
ريما:هلا ريناد
ريماس:وجع ريما انا ريماس وينك مسفهه فيني على الخط ترا بهون
ريما:ههههههههههه لاياقلبو بس كنت اكلم يارا وابيها تجي معانا بس تنام عندهم اماني
ريماس:يالله قهر ماتحلى الجلسه الامعاها يالله مرره ثانيه
ريما:أي والله بشري وش قالت امك
ريماس:وافقت بس تقول المدرسه
ريما:مومشكله جيبي اغراضك معك ويوديك السايق بكره
ريماس:خلاص صار بنجي انا وريناد المغرب حلو
ريما:خلاص وانا برسل السايق يجيب لنا افلام جديده
ريماس:يقطع ام الفله ياناس اوكي يالله باي بروح اخذ شور
ريما:وانا بعد يالله باي
في مكان بعيد خارج حدود السعوديه وتحديدا في باريس كان خالد (ابوفيصل)وزوجته ساره رحلة عمل ومنها خذا فترة راحه ويعيدون فترة الشباب
في الفندق
ساره:والله اني اشتقت للعيال مرره
خالد:أي والله انك صادقه لهم فقده
منيره:شرايك نتصل عليهم نتطمن ونخبرهم متى نرجع
خالد:عطيني جوالي شوفيه فوق التلفزيون
قامت منيره جابت الجوال ودق خالد على البيت
ردت سمر:الو
خالد:هلا ببنيتي شخبارك حبيبتي
سمر بفرح:يبه هلا وغلا شخبارك وشخبار امي
خالد:والله كلنا بخير انتم شخباركن وشخبار فيصل وهشام وريما
سمر:الحمدالله يبه يالله متى راح ترجعون مشتاقين لكم بالمره
خالد:يالله كلها ثلاث ايام وانا عندكم يالله حبيبتي خذي امك تبي تكلمك
سمر:يالله عطيني امي
ساره:الو
سمر:هلا والله بالغاليه ونور البيت
ساره:هلا بسمورتي شخبارك يمه
سمر والعبره خانقتها:الحمدالله كلنا بخير بس مشتاقين لكم((قامت تصيح))
ساره بحزن على بنتها:لاياحبيبتي لاتبكين كلها انشاءالله ثلاث ايام وحنا في البيت بس خبريني انتم ناقصكم شي
سمر:لاوالله فيصل مو مقصر علينا بس ناقصنا شوفتكم
منيره:وانا اكثر يابنيتي
سمر:يمه اليوم راح يجون عندنا بنات عمي عبدالله وينامون عندنا
منيره:حياهم الله البيت بيتهم هاه تامرون على شي
سمر:مايامر عليكم عدو بس نبي سلامتكم
ساره:الله يسلمك يالله فمان الله وسلميني على اخوانك
سمر:انشاءالله يبلغ مع السلامه
المغرب في بيت ابوفيصل جو البنات عند سمر وريماوهم جالسين في الحديقه الكبيره الي في وسطها نافوره وعلى الجنب جلسه حلوه كانوا البنات جالسين فيها وضحك وسوالف
سمر:ههههههههه ياحليلك ياطلال والله وكشفناك على حقيقتك
ريناد:ضحكت عليهم من الروعه انحاشوا ماشفنا الاغبارهم
ريما:بس من جد المنظر روعه يستحق جائزة الاوسكار ههههههههههههه
ريماس:ماتوقعت فارس وطلال راعين هالحركات
ريناد بحزن:حتى انا ماتوقعت فارس راعي هالخرابيط
ريما:ههههههههه لافارس توقعت عينه قويه على البنات
سمر:ياقلبي واحد طول وجمال تبارك الرحمن ولابعد جسمه عضلي وتبين البنات مايناظرونه
ريما:نص بنات الجامعه منهبلين عليه يوم شافوه ذاك اليوم ياخذ يارا حتى المسكينه ازعجوها باسئلتهم(تقلد وحده من البنات وهي منعمه صوتها)انتي اخوك لحد الان ماتزوج طيب ليه ماشاء الله في الف بنت تتمناه....يقالك يعني اخطبيني له
البنات:هههههههههههههههههههههههه
ريناد والعبره خانقتها:بنات عن اذنكم
سمر:وين؟؟
ريناد:بروح شوي وراجعه
راحت ريناد داخل البيت وقعدت تصيح:ياربي ليش الحب عذاب لـ ـ ـ ـيـ ـش هو مايدري عني ليش حبيته انا بالذات لـ ـ ـ ـ ـيـ ـ ماكملت قعدت تصيح
في هالوقت كانت ريما رايحه فوق بتجيب غرض وسمعتها دخلت ريما عليها :ريناد وش فيك
ريناد((مروعه)):ريما لاسلامتك مافيني شي
ريما:رنوده حبيبتي احنا مو بنات عم حنا خوات والاخوات مابينهم اسرار صح ولا لا
ريناد وهي تمسح دموعها :صح
ريما:ريناد انتي تحبين فارس صح
ريناد متردده:ايه
ريما:من متى وانتي تحبينه
ريناد:من 3 سنوات
ريما:وليش ماخبرتينا
ريناد:شلون اخبركم وانا حبي من طرف واحد
ريما:حتى ولو كان وش عرفك يمكن يحبك
ريناد تصيح بقوه:شلون ريما يحبني وهو مو حاس فيني واشوفه قدامي يغازل بنات خلق الله (وهي تشهق)ريما الحب يخلي الواحد ضعيف يخلي الواحد يعيش هالامل يمكن الامل يصيب ويمكن يخيب ياليتني مت قبل قبل لااحب ياليتني......ماكملت قامت تصيح
ريما رحمتها قربت يمها وحظنتها
ريما:خلاص ياحبيبتي والله وقطعتي قلبي يالله مسحي دموعك خلينا نروح مع البنات قبل لايحسون فيناوبيننا كلام بعدين
ريناد:ريما اوعديني يكون هالكلام بيني وبينك
ريما:وعد يالله عاد قومي غسلي وجهك تراك مو حلوه وانتي تصيحين
ريناد:ههههههههههههههه
ريما:هاذي رنوده الي نعرفها بروح قبلك قبل لايحسون فينا
ريناد:خلاص بالحقك الحين
طلعت ريما للبنات وريناد غسلت وجهها وراحات لهم
اذن لصلاة العشاء قام فيصل علشان يصلي في المسجد الي عند بيتهم ...دق جوال فيصل المتصل>>>نواف
فيصل:الو
نواف:هلافيصل
فيصل:هلا فيك
نواف هاه انشاءالله بتجي الاستراحه اليوم
فيصل:أي اكيد جمعة العائله اليوم
نواف:أي بس لاتتاخر ومر علي
فيصل:وانت وخشمك ليش ماتروح بسيارتك
نواف:ههههههههههههه تعرف البانزين ارتفع ومابي استهلك كثير
فيصل:هههههههههههههههههه ابخل منك ماشفت خلاص صار بمر عليك
نواف:هههههههههههههه يالله تامر على شي
فيصل:سلامتك
نواف:فمان الله
فيصل:مع السلامه
راح فيصل اخذ شاور ثم طلع لبس ووقف عند التسريحه يضبط الغتره وتعطر من عطر ديور طلع شكله جنان في هالوقت دق جوال ريماس من زميلتها من ايام الطفوله
المتصل>>نوف
استاذنت ريماس من البنات وراحت تكلم زميلتها
ريماس:الو
نوف:وينك يالخاينه
ريماس:ههههههههههههه يمه كلتيني انا الحين في بيت عمي
نوف:يالخبله والامتحان
ريماس:ذاكرته الصبح خلاص مو حلى كل شوي اذاكره
نوف:هههههههههههههههه والله انك مرجوجه
ريماس:اعجبك انا اخر شي افكر فيه هو دراستي واهم شي عندي الشعر
نوف:على طاري الشعرسمعيني اخر شي كتبتيه تدرين فيني اموت على الي تكتبينه
ريماس بغرور:يالله وش ذنب الواحد انخلق شاعر
نوف:اموووت على الغرور من زينك انتي وكتباتك
ريماس:ام التحطيم ياناس يالله اسمعي
في هالوقت نزل فيصل من على الدرج سمع صوت لف من عند الجدار الي كله قزاز من فوق لتحت شاف بنت سبحان الخالق كانت كلها جمال ونعومه بالشعر الاسودالطويل المجعد والملامح النعومه ولابسه برمودا جينز وتي شيرت كت اورنج يعني باختصار كانت مرره كيوت
سمعها تقول شعرها
ليت كل القلوب اللي تحب بجنون
تعرف ان المحبه جنه في هجير
كل دمعه عزيزه لاجل الغالي تهون
لاجل شوفة الحبايب كل قاسي يسير
لي حبيب احبه والمحبه فنون
كل ماذكره غرامه من غرامه اطير
ماعشقته رياح ولاعشقته سكون
نسمه داعبتني تمتزج مع عبير
فوحها من غرامه تحتويني بهون
كيف مايحتويني حب قلب كبير
ان زعلت وتراخت هامتي والمتون
مد كفه....وطبطب..قالي:مايصير
ابتسامه محبه وارتعاشه جفون
ترسم الكون فرحه من هنا...للاخير
قلت له لاتغيب وقال لي:كيف اكون
قلت:عطني يدينك حس قلب كسير
خايف الحلم يفنى بين هم وظنزن
وخايف الياس يحفر قلب صغي
خايف اصحى واشاهد واقعي والمصير
ضمني حيل انا محتاج صدر حنون
مدري وش صار فيني بس ماني بخير
ريماس:وسلامتكم هاه وش رايك
نوف:ول ول ول الله يقطع بليسك ريماسوه كلمة جنـــــــــان شوي عليها يالله اعترفي هاه من صاحب الحظ السعيد
ريماس:ههههههههههههههههه حرام عليك علشان اكتب صرت احب بس كل هاذي خواطر من عندي
نوف:علينـــــــــا ياشيخه
ريماس:بكيفك لاتصدقين
نوف:والله مادري عنك المهم يالله انا بروح اذاكر الحين وانتي خلك مع اشعارك يالله باي
ريماس:هههههههههه باي
ريما تنادي ريماس بصوت عالي :ريمــــــــــــــــاس بسرعه بيبداء الفلم
ريماس:طيب جايه
طلع فيصل من البيت وركب سيارته وراح عند بيت عمه
في نفسه(هاذي ريماس بنت عمي عبدالله ماشاءالله كبرت وش هالجمال تبارك الرحمن وبعد تكتب شعر والله شي)
دق جوال فيصل من ولد عمه نواف رد عليه
نواف:وجع وينك
فيصل:يالله هاذا انا في حارتكم
نواف:بسرعه لانتاخر على الشياب والله يحسونا
فيصل:هههههههه يالله انا واقف عند بيتكم اطلع
نواف:اوكي باي
نزل نواف وركب مع فيصل وراحو للاسترحه
((الجزء الثالث))

في بيت ابو نواف نزلت يارا من غرفتها وشافت اختها اماني جالسه في الصاله
يارا:امونه عندنا وماخبرتوني
راحت تسلم على اماني
يارا:كيفك امونه وكيفه البيبي
اماني:تمام انتي كيفك وكيف الجامعه
يارا:تمام مع ان القسم متعب بس بنفس الوقت ممتع
اماني:بس راح ينفعك بعدين الله يوفقك
يارا:اميـــن
اماني:اقول يمه وين فارس من زمان ماشفته
ام نواف:والله حتى انا مانشوفه ياداخل او بيطلع يقول عنده بحث هالايام علشان التخرج
يارا في نفسها((أي هين بحث الا طاح ولاحد سما عليه))
اماني:يمه الله يهديك وجه فارس وجه دراسه وبحوث خلي ابوي ينتبه له
يارا:اقول امونه ماسالتي الدكتوره فيك بنت ولاولد
اماني:هههههههههههه تو الناس يارا اذا صار 4 او5 شهور ابسالهم
في المجلس الي باستراحة العائله الكبيره كانوا يجتمعون شياب وشباب العائله يوم الجمعه كل اسبوعين
نواف:اقول فيصل
فيصل:هلا
نواف:فارس وطلال وهشام ماشفناهم
فيصل:فارس وطلال تلقاهم الحين في شارع التحليه او في المملكه قاعدين يغازلون بنات خلق الله وهشام تعرفه ابرد منه مافيه اذا جينا نطلع من الاستراحه تحصل الاخ جاي
نواف:هههههههههههه ياحليله هشوم
في هالوقت دخل هشام المجلس وسلم عليهم كلهم جلس جنب نواف وفيصل
هشام:اوف عورتني يدي امداهم يكثرون
نواف:هههههههههههههههههه
فيصل:ليش تاخرت؟
هشام:ابد والله اخذت شور وجلست اقرا الجرايد وبعدين جيت
نواف:ياخي برود مثل برودك ماشفت
هشام:اقول اها بس عن الحش وين طلال وفارس
نواف:طال عمرك هذولا عالم ثاني غير عالمنا
هشام:ههههههههههه أي والله انك صدقت
جاء تركي يسلم عليهم
فيصل:هلا بتركي شخبارك
تركي:بخير الله يسلمك انتم شخباركم
الكل:الحمدالله بخير
نواف:مبروك تركي والله وكبرنا وبتصير اب
تركي:هههههههههههههه الله يبارك فيك عقبالك
سكت نواف
فيصل وهشام:مبـروك
تركي:الله يبارك فيكم
في هالوقت كانوا طلال وفارس جالسين في الكافي في التحليه
طلال:اوووف اليوم السوق نايم
فارس:ياخي اليوم الجمعه شي طبيعي بيصير نايم
طلال:الاعلى طاري السوق امس بغيت الارض تنشق وتبلعني يوم شفت بنات عمي
فارس:اسكت بس من امس انحاش من يارا هالسوسه
طلال:ولاريماس عاد هاذي شي ثاني كل ماشافتني تقعد تعلق وتغني صدفه
فارس:هههههههههه الله يستر لايعلمون ونروح فيها
طلال:لاومكذبين على اهلنا بسالفة المكتبه والبحث
فارس:على طاري البحث ترا خلص المصري الي سوا لنا البحث حقي وحقك
طلال:حلــــــــو كم دفعت له
فارس:كل واحد فينا 5000 الاف
طلال:كثيره عليه
فارس:أي بكيفه اهم شي يعجب الدكتور وننجح
طلال:أي والله صادق
الساعه 6 الصبح في بيت ابوفيصل رن المنبه في جوال سمر علشان تصحي ريماس وتروح المدرسه<<<ولو اعتمدنا على ريماس عز الله ماراحت المدرسه ههههههههه
سمر:ريماس يالله قومي البسي وروحي المدرسه
ريماس:سمر مو لازم اروح المدرسه بغيب اليوم
سمر:وجع وش تغيبين عليك اليوم امتحان قومي بس
ريماس معصبه:طيــــــب اوووف جعلها انشاءالله تطيح وافتك منها
سمر:هههههههههههه قومي بس انتي وهالدعاوي الي مثل وجهك
قامت ريماس غسلت ولبست قامت تزين شعرها
ريماس:اقول سمر السياره جاهزه
سمر:أي قلت للخدامه تقول له يجهز السياره وشوفي فطورك تراه جاهز تحت
ريماس:مابي شي بس كوب حليب شكولاته
سمر:مجنونه انتي تروحين ماكلتي شي
ريماس وهي تربط شعرها ذيل حصان:عادي متعوده...لفت عليها:وشرايك في شكلي
تجننين طالعه مره كيوت
ريماس وهي ماخذه شنطتها علشان تنزل تحت:تسلمين
نزلزا تحت جلست سمر وريماس علشان يفطرون جت الخدامه عندهم
الخدامه:هاذي سياره كربان
سمر:يالله هاذا وقته تخرب
ريماس مستانسه:خلاص مولازم اروح المدرسه بروح ابدل وانام فيني نوم مو طبيعي
سمر:خير وش تبدلين وتنامين بروح اصحي واحد من اخواني يوديك
ريماس:نعم نعم نعم وش قلتي لاماروح مع اخوانك
سمر:اقول انطمي بس بروح اصحي هشـــام
ريماس:هشام عادي بس فيصل مستحيل اروح معه لو اتقطع
سمر وهي تصعد الدرج :اذا ماصحى هشاام غصب عليك بتركبين مع فيصل
دخلت سمر غرفة هشام
سمر:هشووووم قوم
هشام:يالله صباح خير نعم وش تبين
سمر:قوم وصل ريماس المدرسه السياره خربت
هشام:اقول يالاخت داخله الغرفه غلط روحي لفيصل
سمر:خيــــر وكل شي على فيصل وانت ليش ماتوديها
هشام:اقول كني عطيتك وجه زياده على اللزوم
سمر :صدقت ريوم يوم قالت عنك ثلاجه
قام وخذا الخداديه الصغيره ورماها عليها:اقول ضفي وجهك لاافحط عليه الحين
طلعت سمر وراحت غرفة فيصل
سمر:فيصل قوم
فيصل:نعم وش تبين
سمر:فيصل السياره خربانه وريماس المسكينه عندها امتحان اليوم صحيت هشوم وانت تعرفه ماينفع ابد
فيصل من سمع اسم ريماس طارا النوم
فيصل:باخذ شور والبس واوديها المدرسه
سمر:مشكور ياحلى اخو في الدنيا
بعد ثلث ساعه....دخل فيصل غرفة الطعام تغطت ريماس:صباح الخير
الكل:صباح النور
فيصل:جاهزه ريماس
اخافت ريماس:ايه
فيصل:يالله استناك في السياره
طلع فيصل وجت ريماس تضرب سمر انحاشت منها لانها كذبت عليها وقالت ان هشام بيوديها
ريماس:هيـــــــــــــــن سمور اوريك اذا رجعت من المدرسه
سمر:ههههههههههههه يالله بس روحي لاتتاخرين
ريماس راحت تركب السياره:السلام عليكم
فيصل:وعليكم السلام انشاء الله ماتاخرت عليك
ريماس مستحيه مره:لاعادي اسفه صحيتك من النوم
فيصل(مبسوط بالمره):لا عادي احنا بالخدمه
ريماس في نفسها(ياحلوه وش هالعيون وش هالرموش ماشاءالله وش هالزين ياليت بس يعطيني عيونه هههههههه والله اني خبله)
فيصل حاب يقطع هالصمت
فيصل:اقول ريماس وش عليك اليوم اختبار
ريماس :كيمياء
فيصل:ذاكرتي كويس
ريماس(أي هين كثر منها اذاكر)أي الحمدالله
فيصل:لازم تشدين حيلك هاذي اخر سنه ولازم تجيبين نسبه حلوه تدخلك الي تبين
ريماس(مسكين مايدري عايده سنه ثانيه):انشاءالله
فيصل(ياحلو صوتها):يالله وصلنا هاذي مدرستك
ريماس:أي يعطيك العافيه تعبتك معاي
فيصل:تعبك راحه يابنت العم
نزلت ريماس ودخلت المدرسه وفيصل يطالعها:في حفظ الرحمن

ريماس وهي في الفصل البنات كلهم خايفين من الامتحان الاهي سرحانه في ولد عمها فيصل(يالله تغير مرره من زمان ماشفته وجه لوجه ماشاءالله مره احلو عن اول بكثير)قطع تفكيرها الاستاذه
الاستاذه:ريماس ليـــــش ماتحلين يالله حلي
ريماس((الله ياخذك روعتيني)):انشاءالله استاذه
والبنات الي تصيح والي خايفه وريماس الموضوع عندها أيـــــــــزي......انتهت الحصه وطلعوالبنات في الساحه
نوف:يالله بنات مررره الامتحان صعب
وجدان:أي والله مصعبته الحيوانه
سار:وانتي ريماس شرايك في الامتحان
ريماس كانت مو معاهم داخله جــــــو ثاني
نوف تلوح بيدها في وجه ريماس:هيه يابوالشباب وين وصلت
ريماس تتنهد:نعــــــــم
نوف تبتسم:ينعم عليك من الي ماخذ عقلك يتهنى به
ريماس:ههههههههههههههه حرام عليك بس كنت افكر شوي
ساره:الا اقول ريماس من المزيون الي جابك اليوم
نوف:أي صح ماقلتيلي من ذا الاطخم الي شفناااااه اليوم
ريماس:هههههههههههههه بسم الله عليكم هاذ ولد عمي
وجدان:وجع ليـــــــش جايه معه لايكون تزوجتيه وانا ماندري
ضربتها ريماس على راسها:كنت نايمه عند بنات عمي والسياره خربت فاضطريت اجي معاه يهني بلا افكار بطاله>>>>مع ان الكلام عاجبها ((زوجها))
نوف:ول ول ماشاء الله أي من عمناك
ريماس:فيصل ولد عمي خالد
ساره:اقول ريماسوه متزوج
ريماس :ههههههههههه لا
ريماس تكفين خلي اخواته يخطبوني له
ريماس:ليش عايفه ولد عمي انا
الكل:هههههههههههههههههههه
نوف:تعجبيني ريماس
ساره انقهرت:انطمو بس خلاص هونت مابيه
وجدان:وانتي مره واثقه من نفسك الولد ميت عليك
الكل قام يضحك وريماس راح تفكيرها بفيصل
في الشركه فيصل كان قاعد في مكتبه ويفكر في ريماس
يالله شكلي من جد حبيتها اقول لابوي يخطبها لي من عمي بس مو الحين اذا رجع عمي من السفر فاتحت ابوي في الموضوع
دخل نواف عليه:صباح الخير
فيصل:صباح النور
نواف:هاه انشاءالله خلصت المعاملات
فيصل:لاباقي شوي واخلصها
وسكتو شوي
فيصل:اقول نواف
نواف:هلا
فيصل:شرايك اتزوج
نواف شرق بالشاي الي معه
فيصل:ترفق على عمرك لاتروح علينا وانت في مكتبي
نواف:ههههههههه طيب من هي تعيسة الحظ الي بتاخذك
فيصل:ههههههههههه لاياشيخ بالعكس امها داعيه لها
نواف:طيب ولايهمك من هي
فيصل:ريماس بنت عمي خالد
نواف:والنعم والله طيب متى تخطبها
فيصل:اذا رجع عمي من السفر فاتحت ابوي في الموضوع
نواف :الله يوفقك
فيصل:امين
رجعت ريماس من المدرسه وكانت سمر قاعده في الصاله مسويه لها كابتشينو دخلت الصاله:السلام عليكم
سمر:وعليكم السلام اهلين بالحلوين
ريماس:هلافيك
سمر:هاه شخبار الاختبار انشاءالله حليتي كويس
ريماس:يعني مو مره
سمر:يعني شلون حليتي ولالا
ريماس:جاوبت على بعض الاسئله
في هالوقت دخلت ريما وريناد جايين من الجامعه:السلام عليكم
سمر وريماس:وعليكم السلام
ريناد:هاه ريماس شخبار الاختبار اكيد مزفته فيه مثل كل مره
ريماس:مادامك عارفه ليش تسالين
ريناد:اقول لعلى وعسى تحلين زي العالم والناس
سمر :اقول اهجدوا بس تبون اخليهم يحطون الغداء الحين
ريما:ياليت والله مرره جايعه
ريناد:ماشاءالله من شوي ماكله كارسون في السياره
ريما:والكارسون تعتبرينه غداء انتي وخشمك
ريماس:اقول ريومه انتبهي لعمرك لاتنتفخين علينا
ريما:لاياحبيبتي بسم الله علي وزني مايتغير ابد
سمر :اقول اعقلو بس روحو بدلو ملابسكم لحد مايجهزون الخدمات الغداء
راحو البنات بدلو ملابسهم ثم رجعو مره ثانيه تحت علشان يتغدون


وش بيصير لريماس وفيصل؟؟

وريناد بيدري فارس ولا لا؟؟ ولاتعيش بعذابها؟؟

((الجزء الرابع))
في بيت ابونواف كانت العائله مجتمعه على القهوه يسولفون ويضحكون
اماني:ههههههههههه تذكر نواف يوم كنا صغار نروح لبيت الجيران نسرق من المستودع فيمتو ونرجع
نواف:ههههههههههه وانتي وسمر تصرفون اخواتهم علشان ماينتبهون لنا واذا خلصنا شغلتنا طقيتوهم وانحشتو
يارا:ههههههههههه بسم الله علي ولاشغل عصابات عندكم
فارس:لاوبعد من النذاله الي هم فيها مخليني انا وطلال نحرس لهم من اهلنا واذا خلصو سرقتهم يطردونا برا الغرفه ويكملون وناستهم مع الي سرقوه وياليته شي يسوى
يارا:وين لسانك بسم الله عليه
نواف:لسانه ماطلع الافي الثانويه ولايوم كان صغير ياحليله نلعب عليه بالراحه
الكل قام يضحك
رن تلفون بيتهم....جت الخدامه ردت
الخدامه:أيـوه هذا بيت ابونواف مين يبغى
الخدامه.k
جت الخدامه عند ام نواف
الخدامه:مدام هذا حرمه يبغى يكلم انتي
ام نواف:طيب
راحت ام نواف تكلم الي طلبتها على التلفون
ام نواف:الو
.......:السلام عليكم
ام نواف:وعليكم السلام هلا اختي من معاي
.............:هلا ام نواف معك ام جاسم
استغربت ام نواف:هلا وغلا بس للحين والله ماعرفتك
ام جاسم:انا الله يسلمك ابي القرب منكم وسمعت عن بنتكم يارا الكل يمدح فيها وبصراحه ابي اخطبها لولدي جاسم
ام نواف:والنعم فيكم بس من انتم وكم عمر الولد وين يشتغل
ام جاسم:حنا من عائلة .........عمره 27 وهو محامي وعنده مكتب خاص
ام نواف:والنعم فيكم ابسال البنت وارد عليكم انشاءالله بس كلميني بعد ثلاث ايام
ام جاسم:ماعليك زود انشاءالله بتصل عليكم وباخذ منك الاخبار السنعه
ام نواف:الله يكتب فيه الخير انشاءالله
ام جاسم:انشاءالله يالله اجل فمان الله
ام نواف:فمان الكريم
رجعت ام نواف الصاله الي جالسين فيها عيالها الي قاعدين يضحكون من كل قلبهم
ام نواف:ضحكونا معاكم
نواف:هههههههههههههه الله يطول بعمرك فارس يقول لنا يوم كان صغير اول ماولدتي يارا كان يغار منها ويستناك تحطينها عند المربيه علشان يقبص خدودها بس انتي ماتحطينها كثثير وانقهر منها
ام نواف:انا ماحطكم عند المربيات الاعند اللزوم ويارا دلوعتي
اماني:يمه من كان يكلمك من شوي
ام نواف(تناظر يارا):ناس يخطبون يارا وينتظرون موافقتنا علشان يجون يشوفونها
نواف:طيب من ولده
ام نواف:اسمه جاسم.........ويشتغل محامي عمره 27
نواف:ماشاءالله جاسم....والنعم والله رجال يمه ماينرد
اماني:ليش تعرفه؟
فارس:اشهر من نار على علم
نواف:أي معروف بالمره
ماخذنا راي يارا
يارا مستحيه:يمه لسه صغيره
اماني:لاماشاءالله عليك بتدخلين عشرين بعد شهرين
نواف:يارا حبيبتي فكري في الموضوع هاذا زواج مولعبه واستخيري بعد
يارا:انشاءالله يالله عن اذنكم بروح لغرفتي
اماني:والله وكبرنا وبدينا نستحي
فارس:أي والله اول مره في حياتي اشوفها تستحي ههههههههه
يارا:على الاقل انا استحي احسن من ناس الي عمرهم ماستحو(غمزت له)
فارس يرميها بالمخده:يالله فوق بس
يارا:ههههههههههه
وتوها طالعه قابلها ابوها
ابو نواف:هلابنيتي
يارا:هلايبه
ابو نواف:وين رايحه تعالي اجلسي معاي شوي
يارا:والله يبه مشغوله شوي فوق
ابو نواف:على راحتك
راحت يارا غرفتها ودخل ابو نواف
ابو نواف:السلام عليكم
الكل:وعليكم السلام
قامو العيال يسلمون على ابةهم
جلس ابو نواف:ماشاءالله عليكم وش هالجمعه الحلوه اجل يارا ليش راحت فوق
فارس:والله مو منها من الناس الي خاطبينها
ابونواف:مين الي خاطبها
ام نواف:هاذا الله يسلمك جاسم ولد.......
ابو نواف:والنعم فيهم بس خلوها على راحتها لاحد يضغط عليها
في غرفة يارا
جالسه يارا على السرير وقاعده تفكر وقطع تفكيرها رنة الجوال
المتصله>>ريوم الخبله
يارا:الو
ريماوهي تكلم اللهجه المصريه:اهلا ياختي ازيك ياحلو
يارا:هههههههههه هلا ريوم تمام كيفك انتي
ريما:الحمدالله وين يالقاطعه
يارا:تعرفين دراسه
ريما:صح نسيت انك دافوره
يارا:ههههههههه قولي ماشاءاله لاتصكيني بعين
ريما:ماشاءالله عيوني مافي ابرد منها المهم جينا ناخذ اخر اخبارك منك
يارا:اخباري ياطويلة العمر انخطبت اليوم
ريما(بصوت عالي):كــــــــــــــــــــــــذابه
يارا:وجع فقعتي اذني
ريما:اقول هاذي مايبي لها كلام بجيكم بعد صلاة الشاء بودي بنات عمي لبيتهم وبمر عليكم اقعد معاك شوي
يارا :حياك الله
ريما:يالله باي
يارا:باي
دخلت اماني على اختها في الغرفه
اماني:هااي
يارا:هايااات
اماني:الحلوه وش قاعده تسوي
يارا:ولاشي
اماني:هاه قاعده تفكرين في الي خطبك
يارا:تقدرين تقولين كذا
اماني:شوفي حبيبتي فكري على راحتك لك حرية الاختيار هاذي عشلرة عمر مو لعبه
يارا:انشاءالله
يالله بروح لغرفتي اجهز اغراضي
يارا:ليش بتروحين اليوم
اماني:اتصل علي تركي وبيجي بع صلاة العشاء
يارا:اخاف انتي اشتقتي له ياجولييت واتصلتي عليه
اماني وهي تطق اختها على كتفها:انطمي بس
يارا:هههههههههههههه مادري عنك
اماني:بروح اجهز اغراضي ابرك لي من وجهك
في بيت ابو فيصل
كان هشام جالس في الصاله يتابع فيلم وكان متحمس معاه بالمره
رن تلفون بيتهم
هشــام:الله يلعنك من تلفون هذا وقته
رد هشام:الو
على الخط الثاني:...........
هشام:يالي ماتستحون على وجيهكم تدقون على خلق الله علشان تزعجونهم
العنود:السلام عليكم
هشام(انهبل على صوت البنت):وعليكم السلام
العنود:ممكن اكلم ريما
هشام:لحظه بس اناديها
قام هشام ينادي اخته باعلى صوته من تحت الدرج:ريمـــــــــــــــــــــــــــوه
ماسمعته ريما لانها قاعده مع البنات في غرفة سمر والمسجل مطول على اخر شي اضطر يصعد لها فوق وطق باب غرفتها:ريموه
ريماس:ريما مو كانه صوت هشا
ريما:أي والله بروح اشوف وش عنده
سمر:غريبه قاعد في البيت هالوقت
طلعت ريما عنده
هشام:ساعه اناديك وجع ماتسمعين
ريما:شلون اسمع من السوالف والمسجل
هشام:طيب في وحده تبيك على التلفون
ريما:ياذكي ليش ماحولته على تلفون غرفتي
هشام (يصرف الموضوع):نسيت يالله روحي كلميها<<<<<<مسكين اول مرره يكلم بنت ههههههه
نزلت ريما تكلم قام جلس عند الفيلم
ريما:الو
العنود:السلام عليكم
ريما:وعليكم السلام هلا العنود كيفك
العنود:تمام كيفك انتي
ريما:الحمدالله تمام
العنود:ريوم حبيبتي ابطلب منك طلب اذا ماكان فيه احراج
ريما:افاا انتي تامرين امر
العنود:ممكن اخذ منك الملزمه الي اخذتيها من الدكتور علشان اصورها
ريما:ههههههههههههه بس هاذا الطلب
العنود:هههه أي
ريما
خلاص ولايهمك خلي احد يجي ياخذه ولااقولك ((وهي تناظر هشام الي واضح عليه مو مركز مع الفيلم وحاط اذنه عندهم بنظرة ريما وابتسامتها الشيطانيه)):هشوم بيطلع الحين بخليه يمر عليكم
العنود:لاريوم مابي اتعبه
ريما:لاتعب ولاحاجه اصلا حلف مايجي احد من اخوانك ....وهشام يطالع ريما بنظرات كلها شر
العنود:مايقصر هشام ومشكوره ريومه
ريما:وش دعوه ماسوينا شي
العنود:يالله اجل مع السلامه
ريما:مع السلامه
سكرت ريما التلفون من هنا وهشام قام يطقها من هنا..وهشام ماسك ايدينها ولفها على ورى
هشام(بعصبيه):خير وانتي وجهك تبيني اودي لهم الملزمه ريما:أي هشوم اعد عني والله اخوانها صغار ماتقدر تطلعهم في هالوقت هشوم بليز ابعد عني من جد عورتني
تركها هشام:وانا اشتغل عنكد وعند الانسه سواق
ريما:هشووم والله عادي ليش مكبر السالفه انت بتطلع عند الربع الحين
هشام:حتى ولو خذي راي قبل اشوف اوديه ولالا
ريما:الي يسمعك الحين يقول بيتهم ساعه على الوصولكلها 3 دقايق
هشام:طيب شوفي جهزيها اذا خلص الفيلم على طول طالع فاحسلك تجهزينها هنا... ياشر للطاوله الي قدامه
ريما:انشاءالله
طلع هشام من البيت وحط الملزمه عند بيت العنود وريما وريناد وريماس في السياره علشان توصلهم لبيتهم
ريماس:مشكوره ريما تفضلي معانا
ريما:مشكوره ياقلبي لابروح عند يارا شوي وبتاخر على البيت
ريناد:على راحتك قلبو سلمينا على يرو الدبا من زمان عنها
ريما:انشاءالله
راحت ريما لبيت عمها عبدالعزيز ويارا حكت لها عن سالفة الخطبه
يارا:وهاذي كل السالفه ياطويلة العمر
ريما:حركات يرو بتصيرين عروس
استحت يارا:اقول انطمي بس
ريما:فديت الي يستحون ياناس طيب انتي موافقه
يارا:مادري والله متردده
ريما:استخرتي
يارا:ايوه بس بفكر تعرفين هاذا زواج
ريما:يرو يقولون عنه مزيون مرررره
يارا:هههههههههه ياحبيبتي مو كل شي الجمال
ريما:ياشينك اذا تفلسفتي اذا ماتبينه حوليه علي ترا عادي استقبل
يارا:ههههههههه ولايهمك
دخات عليهم امانيوهي لابسه عبايتها علشان بتروح
اماني:يالله بنات مع السلامه
ريما:وين تو الناس ماقعدت معاك
اماني:مره ثانيه سلميني على سمور والله من زمان عنها ماشفتها
ريما:انشاءالله وانتبهي حفيد العئله الجديد
اماني:هههههههه انشاءالله يالله مع السلامه
البنات:مع السلامه
ركبت اماني السياره:السلام عليكم
تركي:وعلك السلام هلا والله تو مانورت السياره
اماني:هههههه منوره بصاحبها
تركي:كيفك يالغلا
اماني:تمام مشتـــــــاقه لك مووووت
تركي:امونتي ترفقي علي ماقدر على هالكلام قلبي يروح فيها
مسكت يده اماني:سلامة قلبك ياقلبي
دخل فيصل على غرفة اخته ريما يبي يسالها عن حاجه بس ماحصلها جاء بيطلع انتبه لدفتر وردي عليه صور شعراء خذه وجلس على الصوفا فتحه شاف كله اشعار وقرا وحده منهم
من يقول الذوق منك ماسرق اجمل صفاته
ومن يقول الورد منك ماسرق لونه وعبيره
يابخت طفل يبوسك ماحسدت الاشفاته
والحقيقه ماحسدته كل مافي الامر غيره
في ليلي البرد اااااااااه حظ من صرتي عباته
حظ من صرتي هواه وحظ من صرتي مصيره
شخص مثليوش يسوي غير يكتب امنياته
يرسمك في كل صفحه ويحرف الصفحه الاخيره
ويتمنى بس يلقى شخص مثلك في حياته
في زمان ماصرت القى شخص فاهم استشيره
تشبه الليله يمكن في هدوءه وفي سكاته
بس فيك من النهار الصدق اشياء كثيره
تشبه الطيب اسف .قصديانت الطيب ذاته
ليت مثلك بس واحد ينشره في كل ديره
دخلت عليه ريما:هلا وغلا باخوي بعوتي وسندي وش عندك زايرني اليوم في غرفتي
فيصل:ريوم هاذا حقك ...ياشر على الدفتر
ريما:يوووووووه هاذ حق ريماس بروح اخبرها انه عندنا لاتموت اذا ماشافته في غرفتها
فيصل:واضح انهاتحب الشعر
ريما:الامجنونة شعر اسالها عن أي شاعر في العالم عطيك كل اشعاره والتفاصيل عنه
فيصل:طيب خذي الدفتر وانا بروح الغرفه يالله تصبحين على خير
ريما:وانت من اهله
قبل لايطلع فيصل:اقول ترا بكره اهلي بيوصون خلكم جاهزين علشان نروح المطار
ريما:انشاء الله
طلع فيصل وهو حاط ريماس في باله((ااااااااااااااه ياريماس حتى انتي مثلي تحبين الشعر))



هل بتتم خطوبة يارا لجاسم ؟؟او يارا بترفض؟؟
وفيصل بيكلم ابوه ااذا رجع من السفر اوبياجل الموضوع شوي؟؟

أنتظر الردود الحلوه !!!